jennymok

我隻黃頸金剛睇過Dr. Zoltan, 姑娘話呢位醫生只睇雀烏同爬蟲類, 佢好academic有珍禽異獸牌, 好睇報告同數字, 如表面看不出任何問題(病徵), 就好大機會要驗血。我隻黃頸金剛當時都有照x-ray & 驗血。
而Dr. Tiger就好有經驗但佢唔係雀鳥專科, 夠膽响主人面前捉雀(我隻大白、細葵都睇過)驗查身體(眼、鼻、口、胸部、腳等), 而Zoltan要主人先離開病房再作驗查。 Dr. Tiger睇雀咁多年, 憑經驗"答"夠!

jennymok

唉~我都知tiger好忙...
不過不知呢位Sotan的經驗如何..
我家大白可能整傷左上琢,見佢不想食,食野時要就住 ...
薯仔 發表於 2012-12-5 10:38

我隻大白都試過咬爆亞加力膠玩具而整傷左下琢, 不想食糧,食野時要就住, 我地就先打碎Harrsion再加芒果同暖水開成糊狀 ,用針筒餵。過幾日就好番喇! 自此就唔比亞加力膠智力玩具佢玩喇!
你隻大白點整傷架?

jennymok

唔食野, 會唔會誤吞東西落肚呀? 我隻大白都試過1日1夜唔食野, 原來係掛住我細佬, 因為我細佬先至係佢主人, 但姪女出世後, 大白就住响我屋企(佢其實同我地一家都好friend的), 嗰日係細佬黎食飯同佢玩咗好耐, 第二日就因為掛住我細佬而唔食野喇!

jennymok

Jenny,

我相信你應該都遇過好幾位獸醫.你有無覺得邊位是可以有回頭?
薯仔 發表於 2012-12-5 10:49

大圍睇過5個醫生, 有2個好嘅走咗, 1個最差嘅係星加坡籍醫生, 唔知仲响唔响度, 當年帶隻雞尾去睇, 佢檢查完後話隻雀太細隻, 佢唔敢醫, refer我去見第2個醫生, 仲收我錢, 真係差到不得了, 如果我在場一定唔比!
Dr. Tiger & Dr. Zoltan都可以嘅因為太少選擇!
另外銅鑼灣動物醫院都睇過, 但個醫生話驚我隻細葵, 問我可唔可以自己抱住比佢聽隻雀嘅心肺, 頓時O曬咀! 加上之後隻雞尾响佢地度睇完醫生後都走咗! 我都唔會再考意呢間喇!