本帖最後由 jennymok 於 2013-9-16 11:42 編輯
尋日行山又有趣事喇!
(1) 有人問星期六晚個集” 寵愛wakaka” 裡面唱” 帝女花” 嗰隻鸚鵡係唔係揾人幕後代唱喎!
(2) 又有人問我隻太陽係唔係隻黄頸金剛同隻亞馬遜生(我帶咗呢3隻去行山)? 其實3隻都唔同樣、唔同色、有長尾有短尾, 真係0曬咀呀! 如果我拖住隻松鼠狗、牧羊狗同唐狗, 應該就無人會問隻松鼠狗係唔係隻牧羊狗同唐狗生!
(3) 又有人話鸚鵡好得意不如養返隻, 又問我地邊度有得賣, 我地解釋咗鸚鵡比貓狗長命, 如果被主人遺棄會有機會自殘, 如果主人將來年紀大咗照顧唔到佢地, 要考慮埋有無接手照顧嘅家人或親友! 有個嬸嬸就話”我有仔女同工人咪ok囉!” 我地再提醒佢初養鸚鵡就要預咗比佢地咬, 佢一聽到話會咬到流曬血先至話”諗諗先”, 好彩!
(4) 又有個中年人話佢嫲嫲養過一隻綠色嘅鸚鵡, 係行船帶返嚟, 不過養30幾年後比咗人喇! 有可能而家都仲响度! 其實有次有個港燈技工上我屋企睇電錶, 佢都有隻養咗30幾年嘅金剛(但唔知養時隻雀幾大), 都係行船帶返嚟! |
發表於 2013-9-16 11:41
|