最深刻嘅感受係我地旁邊嘅一個booth, 係賣貓狗用品嘅(東林寵物用品, 值得一讃!), 佢地不但借出高凳, 等Lo仔可以全程望到Karen無咁驚, 又送水同飲品比我地, 其實我地正阻住佢地做生意, 但他們的一句"唔緊要! 大家都係Animal Lover嘛!" 即時暖上心頭! 人格最高尚嘅一面係雖然大家飼養不同品種嘅寵物, 但都以寵物嘅安危為首要, 更重於他們做生意!
相反嘅係當時先後2次見到一個肩上企有一隻杜柯波氏嘅男人, 第一次走過來望2望就走咗, 之後又走過嚟望一望, 唔係! 係一記眼白眼及一個冷笑之後走咗! 完全唔知佢做乜, 有什麽意思! 同時間好多行寵物展嘅市民都會走過嚟問下啦、又比下意見啦、又支持下啦! 亦都有人抱住睇戲嘅心態嚟睇下發生咩野事! 但估唔到呢位我以為"志同道合"嘅養鸚鵡男人竟然會咁!
"一個人嘅貴賤係源於佢嘅行為, 而唔係源於佢嘅出身!" 呢句說話完全體會到! |
發表於 2013-2-5 11:46
|