jennymok

最好揾返有養凱克嘅主人, 有同伴對佢地黎講好重要, 如果比我重新養過, 我都會1對對咁養! 巳經令到佢地無自由, 都唔想佢地無朋友!
最好新主人家中唔好太多雀, 因為舊主人家中只有1隻, 驚佢要習慣新環境之外, 又可能會驚其他雀, 太多雀亦難分心照顧, 佢地唔同貓狗(10幾年命), 隨着主人年紀漸長, 照顧太多雀就會越來越吃力!!

jennymok

" 甘決定有小朋友既話之前唔好養啦, 好多人都好似你地甘, 無小朋友時咩動物鐘意就買返來, 一有小朋友咩動物 ...
masterbunbun 發表於 2013-9-5 14:18

真係0架! 養任何動物都要量力而為! 隨着自己年紀漸長, 照顧太多雀就會越來越吃力! 如果咁辛苦, 就享受唔到養雀嘅樂趣!  萬一主人有什麼事, 一屋雀點算呢? 越養得耐越明白, 越覺責任大!  希望領養者都要明白呢一點, 唔係又係另一個棄養故事嘅開始!

jennymok

大家冷靜d啦! 大家都係愛雀之人所以激動咗! 因為鸚鵡比較長命, 買或收養前真係要諗清楚! 我由2003年開始養佢地, 話長唔長, 話短唔短, 响呢10年裡, 正正感受到"隨着年紀越大, 責任、體力須要(因為要清潔鳥籠)、醫療費用嘅壓力越大," 小孩子都有成長獨立嘅一日, 但寵物唔會! 真係要諗清楚!

jennymok

其實主人可以考慮將凱克暫養响家人屋企先, 因為我都幫我細佬暫養緊佢隻大白, 我姪仔姪女自小就叫大白做"豆豆哥哥", 佢地一個星期一定見到豆豆幾次因為住得近, 佢地亦知道當佢地大個d, 就要接返哥哥返屋企住! 佢地自少接觸小勳物, 所以好識去關心人同好鐘意動物!

jennymok

感情係一日一日0甘累積的, 不知不覺間已把他們當成家人, 我最擔心就係人有病都仲可以平平地睇下政府醫生, 但佢地就唔可以! 而當佢地年紀大而身體上易有毛病時, 主人(我)都開始年紀大, 甚至已退休無收入, 係唔係要而家開始準備下佢地將來嘅生活及醫療費用呢? 因為自己養嘅品種中有4隻比較長命, 而幾年前响大圍曾見過一隻亞馬遜去睇醫生, 佢個主人話唔知佢幾大但養咗佢27、28年!