原來香港有好多人養過鸚鵡, 但對鸚鵡嘅認識就....

原來香港有好多人養過鸚鵡, 但對鸚鵡嘅認識就....
尋曰帶雀行上山頂, 沿途不停比人圍及問問題, 先後遇上幾個有養緊或養過嘅人,
(1) 有個男人話佢養過灰鸚&亞馬遜, 已經比一間房佢地住同任佢地响房飛, 但覺得佢地都好似飛唔夠, 所以決定放咗佢地, 等佢地飛飽佢........

(2) 有個年青人話佢養過葵花, 但無剪翼, 有次唔小心比佢飛咗落街, 比車車死咗.....

(3) 有個年青人話佢又養過葵花, 但咬到無曬毛, 都唔知點解, 我問有無上綱揾下飼養方法&知識, 係無.....

(4) 我帶住3隻雀坐的士返屋企, 原來個的士司機都養過灰鸚&葵花, 話好好玩架, 不過無養好耐喇, "梗係要比咗人啦, 因為要養細路嘛" ......

jennymok

新手上路

Rank: 1

2^#

發表於 2012-4-2 13:24 | 顯示全部帖子

仲有d好好笑嘅問題架,
(1) 我妹妹膊頭上企咗隻太陽&黄頸金剛, 有人問"你個膊頭會唔會因為佢地嘅重量而側埋一面架"

(2) 隻細葵企响我隻手, 有人問"你隻手一定好痛喇? 我响海洋公園都試過, leg住佢地隻手好痛架"

(3) 有人問隻太陽幾大呀, 我話 : "就嚟10歲", d人竟然話 : "咁細隻嘅! 隔離嗰隻咁大隻嘅? 係唔係老d呀"
我心諗如果帶隻松鼠狗同隻狼狗出街, 應該無人會咁問囉!

(4) 有人問 : "你會唔會放佢地飛出去玩下架"

(5) 又有人問 : "佢地幾長命架?" 我妹妹答 : "養得好都有40、50年架!" 途人說 : "咪講笑啦!"

所以我會帶佢地出多d街, 等多d人認識下鸚鵡, 傳達正確嘅訊息, 希望新養或想養嘅人做多d準備, 等大家都可以enjoy到養鸚鵡嘅樂趣。同埋每次佢地出完街返嚟都會好疲累, 會好靜同好乖架