louisa20047

要佢上手~佢縮~上唔到手~其實有時係唔知你想點~或者佢唔夠膽~咁你可以用一對手~一隻手係鸚鵡身前~一隻手係鸚鵡身後~慢慢拍埋~咁佢無論佢向前行/向後退~佢都會上左你手~之後你就要升起隻手~唔好俾佢即時落地~試多幾次~佢清楚知道你想點就會好D啦~有時咬你係想試下你隻手穩唔穩定~不過如果太大力~你就要俾指示佢收口~因為有時BB唔識用力~你俾指示佢~佢就可以知道用幾多力~不過你手唔可以縮~否則佢知道你怕佢咬~以後會變本加厲
輕輕咬下耳仔, 又幫你整下頭髮~我嘅理解係~佢當你同伴/好朋友~因為當兩隻友好嘅鸚鵡一齊嘅時候~你會發現佢地會互相做里D動作~如果唔係好朋友~佢地唔會做里D野
最好唔好放手入籠叫佢上手~有D鸚鵡會狠狠地咬手~就算佢係籠出面再溫馴都一樣

louisa20047

唔係放手指~係手前臂~放手指唔咬你就有鬼啦~你試下搭地鐵~如果pat pat掂到D野~你見到手指會唔會大叫非禮先~見到手臂咪最多當自己唔小心~撞到人地囉
仲有~唔係由隻雀後伸出~係兩隻手前臂~一前一後拍埋~佢係清楚睇到你兩隻手一前一後~無端端伸隻手出黎~唔嚇到佢咬人就有鬼啦
佢有時見我唔到, 就會大叫搵我, 我有應佢的話就唔再大叫, 當我無應佢又大聲叫左我幾次時, 佢就會飛黎搵我, 睇下我c左喺邊<----我覺得似係鸚鵡要確認同伴安全同位置之類嘅行為~不過我只會係我D葵講野果時先應~大叫就唔理

louisa20047

對鸚鵡咩都要慢~快同失驚無神係會嚇親鸚鵡~令自己慘死

louisa20047

有no.果個係腳環~腳圈=8字環果D~用黎加鍊加扣出街用~雀街能X有得上