食蛋糕

louisa20047

因為一個朋友~我開始留意到街賣的食物~為左美觀, 口感, 味道...... 通常都會加好多添加劑
既然連合成糧都唔想揀含添加劑的俾班葵~蛋糕里家野~冇理由例外~因此已經好耐冇請佢地食蛋糕
但係佢地真係好鍾意食~所以......我決定DIY
里個蛋糕只有糖, 麵粉,蛋~仲要少糖~連牛油都冇落~今次仲唔俾得安心~食得開心?

其實我唔明~點解佢地咁鍾意食里D澱粉類食物? ~食得勁快~其他葵仲要搶

louisa20047

我都唔知佢地鐘唔鐘意架! 好多時主人嘅諗法同做法, 其實d寵物鐘唔鐘意架呢? 例如好多主人會同狗仔扮 ...
jennymok 發表於 2012-12-30 18:18

    佢地鍾唔鍾意，我就通常分三種：討厭，不抗拒，鍾意，里三個感覺可以用反應判斷

louisa20047

我個隻食兩啖就唔食..連 H 糧都食少左
parrotlove 發表於 2012-12-30 20:15

知唔知原因？我班葵，天氣凍，反而食多左野喎
你有冇俾過其他野俾佢食呀？

louisa20047

請問右邊那隻是什麼鸚鵡? (很可愛, 很美麗)
可唔可以寫多一些牠的東西
例如:難唔難養, 要特別注意什麼? 惡 ...
chengKalok 發表於 2012-12-31 09:59

右面的係裸眼葵花，除左我養里隻，我以前係雀街見過一隻，係香港黎講，比較少人對佢有興趣，我遇到的裸眼，包括自養里隻，都係惡到飛起，自養里隻曾經咬到我對手幾個月都仲要包紮住，雀街果隻就相距兩尺就已經衝黎咬人(不過間店關門大吉之後，唔知去左邊度了)
我里隻除左神經質之外，其實好好玩，同其他品種葵花一樣，好鍾意跳舞，唱勁歌俾佢聽，佢會跳得好勁，而且我陏佢又會跟住我陏，好好玩
而裸眼葵花係葵花中說話能力最高的，我里隻有時會講完整句子出黎，記得最經典係佢有一次俾另一隻葵喙左條尾一下，佢即時轉身向住隻葵，一路搖頭一路講：你做咩咬我條尾呀？
難唔難養教：你指教咩？雜技我冇教過，說話佢學日常的
相，其實我有放上FB(雖然唔係太多)，一般只要pm個AC俾我，我就會確認為朋友

louisa20047

起初會有好少量種子+H 糧, 但發覺佢練糧得好緊要, 所以後期都祗會給 H 糧, 小食係松子. 其他就無 ...
parrotlove 發表於 2012-12-31 17:19

停一停雜糧零食先啦，你隻雀好可能係留肚呀，我有隻葵都係咁，之前食糧食得好快，里排食多左雜野(蕃薯，粟米，蛋糕……)，糧都只係得閒見我唔理佢(知道我唔俾雜野佢食)先食一兩粒

louisa20047

我里隻除左神經質之外，其實好好玩，同其他品種葵花一樣，好鍾意跳舞，唱勁歌俾佢聽，佢會跳得好勁，而 ...
Jill 發表於 2012-12-31 20:18

    咩水？ 特登唱，里個係裸眼專利

louisa20047

我隻細達現在做左痴頭蚊.一見開飯就叫你俾些佢食
parrotlove 發表於 2012-12-31 23:05

我唔會係我飯碗俾野班葵食(人食的食物9成9都唔岩佢地食)~我地食飯時都唔會俾野佢地食~起初佢地想食我食緊的食物~習慣左之後~會愈來愈靜+定~因為知道我唔會俾佢地食~我只有教佢地食新野/生果先會一齊食~而且佢地知道冇得食~就唔會等

louisa20047

我當然唔會俾人類嘅食物佢啦, 但佢就會眼定定甘望住你..
parrotlove 發表於 2012-12-31 23:55

佢望我~我都唔會望佢~俾佢知道唔駛望啦~所以宜家佢地有時情願去梳毛煙韌

louisa20047

佢啲 baby 嘅水汪汪眼神..有時真係電死人..你一行埋去.佢就會啜你一啖..跟住又會用水汪汪&#220 ...
parrotlove 發表於 2013-1-1 00:14

電死我，我都唔會餵，因為我知道我係希望同佢地一生一世，如果我唔教好佢地/養好佢地，我里個希望係冇可能實現，佢地再可愛，對佢地有害的，都唔會變成有益，壞習慣只會令人討厭佢地，就好似我班葵就算愛食杏仁合桃，我都唔會日日餵，我只會更錫佢地，壞習慣則唔會縱容

louisa20047

我屋企兩隻太陽又係對麵包好迷戀! 還有白飯
clymcm 發表於 2013-1-1 10:12

我的葵唔止白飯面包，除左餅質的澱粉類，其他幾乎全部通殺，所以有時煮麵，都會特別用水煮幾條俾佢地
我試過拎住蕃薯同粟米俾裸眼揀，佢都係衝去伸手抓蕃薯

louisa20047

Louisa 我想問下個蛋糕份量比例係幾多?
我都想整比少爺仔食(灰鸚)
MOMO123 發表於 2013-1-7 12:53

    其實只係一般的海綿蛋糕食譜，只係我將糖粉減至四分一，再將成份減剩蛋，麵粉同糖，其餘的香精，牛油之類的全部唔加。
我里個只係試驗品，其實只要打得起，糖的份量可以再減