本帖最後由 louisa20047 於 2013-6-18 21:38 編輯
有丫~不過有QK野~主人又唔想俾斷人~好想成日可以見番~又怕俾左人唔捨得就攞唔番~
即係話唔係送俾你~只係交你打理~萬一唔捨得會取回~(不過應該唔會)如果你有興趣~又可以有咁條件~我幫你問下~(是一級鸚鵡)
風中飛鸚 發表於 2013-6-18 15:27 
唉~得罪講句~咁里個主人唔係想為鸚鵡搵個新主人~佢係需要為鸚鵡搵寄養~又或者搵間寵物酒店俾隻鸚鵡
愛協領養都要領養費~我從沒天真到想過要人地免費送葵花俾我~但同樣的~當主人將鸚鵡交俾任何人之後~就不要再唔捨得啦~主人又想將鸚鵡交俾有心人~又唔捨得可能會取回~假設有人願意咁做~而主人到時真係要返隻鸚鵡~咁隻鸚鵡點算?~我唔講其他人的鸚鵡~只係我家的葵都已經養到分不開~一分開就叫到鬼哭神嚎~我有法子令葵平復心情~但我親身感受過硬生生將一隻葵花從葵群中帶走之後~果隻孤單的葵有幾淒慘~假設新主人將葵花養得開開心心(樹樹不少這樣的雀友)~之後舊主人唔捨得就取回鸚鵡~但又唔忍心孤單的葵咁孤單~於是又搵返新主人~之後又唔捨得......成件事對隻葵花黎講係一件悲劇~捨得不捨得~不是萬一~不是假設~主人一念~鸚鵡一生~真係唔捨得就唔好搵新主人~直接養到佢終老
假設有人答應里D條件~衰衰地講句~個人都唔荒好人得去邊~又或者主人信佢一成都死啦~一個人養熟左一隻鸚鵡~舊主人話要返~唔通新主人就會捨得?~一邊俾一邊話唔捨得~唔通你會信佢真係唔捨得?~咁都俾得返舊主人~隻鸚鵡都唔荒過得開心得去邊啦(有交流就有感情~感情唔深就自然......再唔係就地位問題~一隻寵物同一個家人比~邊個容易被放棄?)~如果個新主人唔捨得到唔交返隻鸚鵡出黎~仲黎個樹上失蹤~舊主人可以點?
主人出咁樣的條件~即係隻鸚鵡的擁有權仲係舊主人身上~坦白講~叫新主人點真心養?~誇張一點~到舊主人見鸚鵡時~發現因為玩得太開心~搞到斷左毛要追究~又或者剪翼問題~又或者糧食問題~咁新主人點算?~如果咩都要新主人問過舊主人先做~咁新主人同一個菲傭有咩分別?~如果新主人要保障自己~只做最簡單的餵食清潔~還不如搵寵物寄養~而反過來講~鸚鵡係舊主人的~若鸚鵡咬傷新主人~唔通新主人去怪舊主人嗎?
串少少講句~我又唔係冇錢~我又唔係要威~我只係鍾意葵花~所以幾多級葵花從來都不是問題(我要威就唔會有三隻都係中葵~稀有品種唔帶出街哂命啦)~里個從來都唔係我搵葵花的因素
主席~你叫個主人想清楚到底捨唔捨得啦~唔捨得就好好養佢一生一世~唔好再十五十六啦 |
發表於 2013-6-15 11:00
| 
