請問點樣才可以令葵花鸚鵡不再大聲叫,牠的叫聲十分剌耳 - 鸚鵡討論區 - PARROT-TREE

Rank: 1

1^# 跳轉到 »

發表於 2013-6-15 17:49 | 顯示全部帖子

基本資料，你隻葵係人工鳥？野鳥？年紀？性別？平時大叫，你地俾咩反應？咩情況叫？叫成點？叫幾耐？

加我FB請話知閣下是誰

Rank: 1

2^#

發表於 2013-6-15 19:44 | 顯示全部帖子

葵花不一定成日大叫的，我養過咁多隻葵，都唔係隻隻日日叫，我宜家果幾隻葵，有一隻幾乎唔叫，只吹歌同講野，一隻就好日都唔出聲

我冇用籠布，而係教葵，細聲有人錫，大聲冇人理，用岩方法的話，葵會叫得細聲好多，叫少好多

加我FB請話知閣下是誰

Rank: 1

3^#

發表於 2013-6-15 19:52 | 顯示全部帖子

葵后出手了
養鳥新丁發表於 2013-6-15 17:58

睇醫生都要話俾醫生知詳情，問人野但唔話俾人知詳情，就愛莫能助啦，好多時唔係樹友唔想幫，而係無從入手

Rank: 1

4^#

發表於 2013-6-15 20:32 | 顯示全部帖子

街坊身受其害........
養鳥新丁發表於 2013-6-15 20:18

發仔一隻，勁過我五葵合奏呀

加我FB請話知閣下是誰

Rank: 1

5^#

發表於 2013-6-15 20:51 | 顯示全部帖子

回復 13# Louis

贊成鸚鵡會習慣環境，養成習慣
好似宜家我會直接問班葵，乖唔乖呀?
班傻葵習慣左，通常會即刻變乖寶寶，又跳舞又講野

Rank: 1

6^#

發表於 2013-6-16 00:46 | 顯示全部帖子

有時唔係樹友們想鬧人，而係有D人問野只有一句，例如: 鸚鵡唔出聲，點算呀?
就咁得一句，叫人地點答？比較好的情況，我地問，樓主們會回應，但有不少人係完全不回應，咁我地可以點？
到冇人答，又有人話樹友們小圈子，唔答人，冇禮貌，咁難道我地亂作答案就係好事？
至於爬文，當你三日內，見到兩個相同問題的post，一星期見到三四個，好難唔叫人去爬爬文先，而且這個討論區又唔係唔俾人搜尋舊post，睇兩頁，搜一搜，不過份吧?
任何事都不只一個角度，唔好咩事都覺得係人地的錯，係人地針對，大家互不相識，無啦啦針對人地做咩喎
而且大家都只係一齊自願交流，冇人有義務一定要答其他人的問題，我地得到回答，係我地幸運，不是必然的(就好似讀書時，遇到好老師係幸運，而非必然)
我都試過問人野之後，等幾日都冇人答，自己推推就係啦，等到識答而且願意答的樹友上樹，就會得到答案了
始終無人係廿四小時棲息於樹上的百科全書，對吧?

PS 只係個人感覺，並非鬧人/撩交鬧，唔岩聽請直接忽略

加我FB請話知閣下是誰

Rank: 1

7^#

發表於 2013-6-16 01:43 | 顯示全部帖子

之前我隻灰鸚放係露台養
一到7點幾就開始扮車聲又叫又講
而家放係天井養好小再叫
葵花就應該難搞D
紅龍發表於 2013-6-16 01:19

葵花其實不太難，不過係不同時間年齡會有不同反應咁囉

Rank: 1

8^#

發表於 2013-6-16 17:18 | 顯示全部帖子

回復 wongkailam
多謝各位的寶貴意見,但我對牠的認知唔弘多,牠應該是人工鳥,年紀大約歲半,性別唔知?平時 ...
wongkailam 發表於 2013-6-16 14:10

歲半，正正係葵花學習期，如果你地只係佢叫的時候同佢講野/俾野佢玩，咁會令佢養成壞習慣，以後佢有要求就會大叫扭計，直至得到佢想要，家養鸚鵡其實係一種好無聊的寵物，所以有好多雀友會放玩具入籠俾鸚鵡自己玩，而不是佢地大叫先放入去。葵花本身係破壞王，最鍾意可以粉碎的玩具，例如木塊，但要留意唔好俾佢地吞，而且唔好有金屬成份，因為誤吞的話，鸚鵡會自殘和中毒。葵花係非常活躍的鸚鵡，籠要足夠大，佢地先可以跳舞和到處爬，而當葵花在玩時，多數會安靜好多。而且葵花本屬群居鸚鵡，對人工鳥而言，通常人就是其同伴，如果無同伴，葵花就會召喚同伴，所以形成大叫問題，如果冇其他鸚鵡陪佢，就只有用分散注意力的方式。另外有好多人會忽略左，肚餓的鸚鵡會叫個不停，尤其係對住會餵食的人。其實你可以教佢靜先有好處，首先，於佢細聲講野時，你就獎勵佢(例如佢愛食的食物，不過只能少量)，嘈時就不給佢想要的東西(若佢想搵人，人就轉身即走，望都唔望佢，但不要搶佢身邊/籠中的物品)，我當初咁樣教左兩小時，葵花已經明白，兩日之後平日大叫情況改善

加我FB請話知閣下是誰

Rank: 1

9^#

發表於 2013-6-16 17:25 | 顯示全部帖子

有少部份鸚鵡係疲倦想休息時，會要求黑暗空間，要留意不要半夜都唔俾鸚鵡休息，唔夠瞓，會躁
另外，唔好過份刺激葵花，太興奮都可能會大叫

加我FB請話知閣下是誰

Rank: 1

10^#

發表於 2013-6-18 21:43 | 顯示全部帖子

回復風中飛鸚

多謝以上各位的幫忙同意見,這兩跟著各位的指示去捉摸牠的性格,已有所改善,十分開心,再次 ...
wongkailam 發表於 2013-6-18 17:46

有效就好啦~記得要持之以恆~咁養的時間愈長~隻葵會愈安定

抓到你的手損晒~應該是指爪太利~買兩枝磨爪棍俾佢啦

加我FB請話知閣下是誰

Rank: 1

11^#

發表於 2013-6-19 21:11 | 顯示全部帖子

回復 louisa20047

我是澳門人在6月11日才加入貴會,多謝妳的指導,現在我的葵花已經冇以前叫得咁犀利,妳 ...
wongkailam 發表於 2013-6-18 22:26

交流下而已~談不上指教