camus

白色嗰種粟, 係我隻Bird Bird既至愛, 我有一陣子淨係餵你圖中既糧俾佢食, 佢開心到不得了, 過左個零月, 佢成隻雀好似吹脹左既波咁, 我再上網查先知道大米係好易致肥, 惟有實行減肥大計, 迫佢主要食紅粟, 加少少尖粟及少少大米, 佢既體重就慢慢回復正常. 為左更加健康, 我而家再慢慢加入合成糧, 佢都開始接受.

其實我知道外國都係餵你呢種粟為主要食糧, 所以我覺得最重要係有足夠運動, 我一返到屋企就會放佢地出黎玩, 四圍飛.

當然需要經常提供蔬菜生果, 佢食蔬菜食得仲多過我(按身體比例計).

如果佢地唔肯出黎, 試下用玩具或者美食引誘佢地.

camus

自從佢減肥成功後我就買齊紅粟, 尖粟, 大米, 自己溝出黎. 因為係無牌子既糧, 我每次都幫同一舖頭買, 唔敢轉舖, 試過去到見佢無開舖就第二日再去過. (我係去雀街近花墟淨係賣糧嗰間).

雖然自己溝會麻煩啲, 但可以見機行事: 例如見佢地換毛, 或者冬天時, 就可以加重大米比例.

合成糧方面, 我以前用Zupreem彩色嗰隻, 佢地都幾鍾意, 後來為免食咁多色素, 我而家用Zupreem無顏色嗰隻, 我買金絲雀包裝嗰種, 因為size細啲佢地先肯食.

我覺得佢地換毛時心情好似會差啲, 會暴躁左, 但係似乎仍然會好活躍.

藍色嗰隻係女女, 叫Bird Bird, 一歲多少少. 黃色嗰隻叫Boo Boo, 就快一歲, 除左我地自己同埋賣雀既姨姨話佢係男仔, 全世界都話佢係女仔...

camus

請節哀. 雀雀們失去同伴, 相信佢地同樣難過.

家居意外真係好危險, 我地千奇唔好掉以輕心.