Kuen2348

灰鸚講嘢叻，但出街大多啞左，單一主人，對其他家人唔多好，羽粉多，要多時間陪伴，唔理佢有機會抑鬱咬毛，算靜唔算嘈
迷金都識講嘢，無羽粉，多接觸人會溫馴D，俾佢依個摸下果個摸下會好D，但有時會大叫一兩聲幾嘈，都要陪但唔使灰鸚咁陪法，屋企人玩開個個可上手
兩者我會揀迷金
講好玩凱克好玩好多，個個都跟，有瓜子就得，教動作指令好快上手，有時都會大叫一兩聲，但無迷金大，唯一講嘢唔得
若三者我會揀凱克

買雀真難講，樓上舖貴D但因入口地方及少雀關係，健康較有保證
雀街平D，但因多雀或入口地關係，有時健康會無乜保證，雀亍中間傑記有凱克迷金B賣，但依水凱克有D驚人，唔算好，迷金B應剛賣哂，但有一只塞內加爾B幾好要餵奶
網上都有自家買蛋繁殖，可留意下，好處全人手養較親人，價格多接近雀街，貴少許或平手但比樓上鋪平

Kuen2348

我見雀亍耐唔耐會有一批灰鸚b,印象中5,7,10月會多D,迷金由3月開始耐唔耐有，下蛋通常3月至10月，蛋至出齊毛要四五個月先推出市面,這時界乎開始介奶同學食糧之間，所以一定每日補歺奶穩陣，所以諗定養邊種，得閒出去行下留意，或叫傑記留意，有雀入通知你，最好多幾只揀。

Kuen2348

有時睇產地如bii一定貴D，最好揾養開朋友一齊去揀，親人健康精神合眼緣，有時都要講下運氣，有無疴爛屎，有無有時一隻眼合埋（眼可能有事），有無精神，鬆毛成個病樣仲瞓覺一定唔買。