亞加力膠其他特性

1. 比玻璃透光
亞加力膠透光度係92%, 而玻璃係80%. 紫外線不能透過玻璃, 但UVA 及 UVB 可透過亞加力膠. 即係話, 就算用亞加力膠籠養鸚鵡, 室內用紫外線慳電燈膽作紫外線補充, 紫外線一樣可以透過亞加力膠, 到達隻雀身上. * 對皮膚有害既 UVC 不能透過亞加力膠.

2. 對人體不會產生排斥
原來部份作眼睛白內障手術用既人造晶狀體, 係用亞加力膠造. 如果體內唔排斥, 即係性質穩定, 無刺激性, 及唔會釋放有害物質, 用黎做雀籠材料係安全既.

3. 暖爐熱力唔足夠令其釋放有毒氣體
亞加力膠被燃燒時, 當溫度達攝氏460度, 亞加力膠會分解為水氣, 二氧化碳, 一氧化碳, 及甲醛. 即係話, 在亞加力膠籠附近放暖爐或暖膽, d熱力未足夠令亞加力膠釋放有害物質, 令隻鸚鵡中毒.