gilgil

41# Cozzy


完全認同！多謝你。

gilgil

53# yokojune


真既，多謝你講我知呀，我都唸住聽日去睇下佢，佢有冇話賣比你或者其他人呀？我同蝦餃都好掛住佢。仲有咩野係蛋糧？係咪訓練bb轉食雜糧前要用架？駛唔駛買d比蝦餃食啦，我見佢除左瓜子之外其他都唔食，我又唔比多瓜子佢食，一日十粒同喂奶，合成糧乾香蕉同好香既波波佢都唔食，雖然有重無輕，大便正常，不過都想佢健康d。

gilgil

54# Cozzy


我都唔敢養bb架，好怕失敗會好心痛，成功固然好啦，但好難搵成鳥，我都好想養成鳥。好怕迫佢地食奶，但成鳥到新環境又會唔肯食野，如果之前係鳥店已感染左鸚鵡熱又會加速病發…（我之前果隻），所以我曾經想放棄養，但佢地實在太吸引啦！自己都唔知叫好彩定唔好彩定黑仔，不過就好自責真係要睇情楚先好買。我新手得黎實在太多唔好既經歷喇！害左隻雀又傷心。唉！

gilgil

我怕你冇命行出雀街！
仲有呀，半斤另外賣剩果隻，即你見冇精神果隻非常顛架…大口咬實唔放不特止，放係燒賣隔離仲咬佢隻眼，又狂跳狂咬…你話佢今日口郁郁冇精神…死啦好唔尋常喎！至於燒賣我叫佢一定要分開唔係死緊！同埋佢籠裡面既野應該冇食過，聽日要去睇睇佢先得…點都好多謝你既情報！

gilgil

我都打算帶佢去body check，不過想一直觀察住佢既general condition同體重，重有睇下燒賣既情況會點先定一齊去，我星期日都唸住帶埋個磅去半斤度。本來今朝想去睇去，點知落咁大雨，我又應承過蝦餃如果燒賣冇事就帶佢返黎，我都好爭扎，因為燒賣真係好純好乖架，外形又好靚，我都好唔捨得呀！希望半斤會真係善待佢喇！唔知跑馬地睇鸚鵡獸醫係咪就係何大成果間呢？仲有，今日蝦餃既大便好水，會係咩事，昨天都係水夾條狀，今日就…輕唔係好多，我空腹磅既，但食同飲水都唔肯，靠兩餐喂既奶可以嗎？

gilgil

我今日探過燒賣，佢精神唔錯，不過半斤將佢同另一隻放埋一齊，果隻之前好惡架，但今日見佢無神無氣。
講返燒賣，佢一見到我就好想出黎，出左黎我見佢好肯玩，但個嘴情況無好成個傷口都幾長，睇怕要半年先退得哂好到，仲係未識食，咬手指都冇力。半斤話比多十日佢就食到！我叫佢唔好免強！
但係個嘴塗左藍藥水…都唔知事實有冇好到。
仲有今日見盧x記隻黃冠中葵，早幾星期仲好肥好得意，今日見佢細左一個圈，但最後都比人買埋…
希望下星期燒賣會有好轉啦。

gilgil

你地都講得岩，我自己個心都好爭扎，如果我有心養佢就接佢同醫佢，起初怕睇完醫生醫唔到既就最尾都要退，情願比返佢自己攪，因為買返屋企抹淨個嘴就發現唔妥，又唔知先天定意外。同拎比半斤睇果日蝦餃見燒賣比人捉走左就發惡，攪到我更加難過。不過經過呢一星期我細心唸過我都係決定放棄佢，亦都唔再探佢，雖然好痕心，但實在存在太多風險同手尾，而且蝦餃又仲咁細，萬一佢已經唔記得佢仲蝦佢咁點，所以我同我先生擒日見完燒賣都傾左好耐，唔選擇佢喇！我都知咁樣好唔岩，不過蝦餃已經習慣左。同我冷靜唸清楚，帶返黎既顧慮會有好多，所以…
好多謝大家唔同既意見，我只希望燒賣可以快d好返，快d遇過果好既主人。
我唔係唔想養佢，當然都好唔想有呢d不幸既事，不過當我決定比返半斤佢又即刻比返錢我之後，我都有唸過同更懷疑，我問過其他人既意見，當然就係一係要帶走醫佢，點到醫到尾，唔好都係自己揀既。一係放棄唔好有手尾跟，仲要屋企有隻細，同埋無理由比錢買隻有問題既。另一個就係叫佢（半斤）收平d，當比錢睇醫生，另一個又叫放係佢度（半斤），到醫好識食無事先帶佢走。我考慮過幾個意見，除左錢問題，最大既就係另一隻既問題同照顧，就算返到屋企都要分開佢地，仲有就係燒賣既本身既問題，所以我都係決定好自私咁放棄佢。
我先生話我唔捨得係因為佢地原先一對返黎，叫我尊心好好愛錫蝦餃算啦。但分析所有同冷靜唸返就真係要選擇個正確決定，我承認對燒賣黎講唔係一個有責任同愛佢既主人，亦好同意你地講唔想帶佢走就唔好再比希望佢，所以我真係好希望佢可以快d好返，搵個好主人。