雞尾血案

moon427

今早晒雀時, bebe飛走左!
幸好幾分鐘後搵得番!

回來上樹樹, 見lux亦飛走左!
心一驚, 便決定幫牠們剪飛行羽
剪頭3隻都無事!
到bubu便..........

雖然已用布包著bubu, 但牠不停掙扎
我一時心急, 剪入左
起初吾為意, 收剪刀時, 見上面有血!!!!!
心知一妙
正打算睇誰出事時, bubu突然起飛!
血洗全屋, (梳化, 櫃, 地下) 如同凶案現場!!!!
我立即捉著bubu, 但我越捉, bubu便越要拍翼!
潑到我一身都是血!
這一刻我好驚! 好驚bubu就咁流血流死~~~~

吾知bubu系咪聽到我心聽, 突然平靜下來!
我立即用紙巾按著牠左翼
但好快, 紙巾便染紅晒!!!
用了4, 5張紙巾, 仍未能止血!

於是打電話比主席求救!!!!!
我一拎電話, 聲都震埋, 差d想向主席大叫救命!
主席叫我先用生粉包著一陣, 好快便可以止血
紙巾會吸極都有血, 並且同我講, 我應只是剪深左! 無真是剪到牠翼尖的
聽到無傷到翼尖, 心定了很多!

於是我立即拎一大包生粉, 一匙一匙用紙巾包著bubu左翼
起初血仍不停地流, 但過左10min, 生粉便包實了翼尖
好似我們打石膏咁
我估應止左血了~~~~

休息左陣, bubu 開始清潔身上的血跡
但d羽毛, 血, 生粉打成一塊
bubu 點努力都梳吾到............
為防再次流血, 暫時不可以沖涼
未來幾天, bubu都要做隻血雞尾, 好可憐呵!!!!

bubu, 對不起, 媽媽以後一定會好小心, 不會再傷到你的!
你要快d好番呵~~~~

moon427

謝謝大家關心!
BuBu睇起來已比尋晚精神
不過仍是無胃口食野!
我用針筒迫牠飲葡萄糖水, 但只有0.5ml真正入到口
牠對身上的啡色(血跡)非常抗拒
就算無咩力, 都要清潔!

有咩方法可以令牠食返野?
我見牠有便便, 但兜上的糧好似完全無食 (一D殼都無)

moon427

5細個傳雲南白藥入面有粒紅色藥膽~食一粒~死左唔夠3個鐘頭都會番生~想知道是否有中間真係有粒紅色藥~
風中飛鸚 發表於 2011-4-4 16:38

的確是有粒紅色丸仔, 大細同保濟丸差不多
原來是藥膽來
我以為是防潮丸tim

moon427

多謝大家關心
bubu已好番好多!
食量已回復之前的份量
而且開始覺得悶, 常常想出來玩
但為免牠再傷
每天只俾牠出來行5-10mins, 之後便要回隔離箱

吾知是否少左隻大籠
另外3隻雞尾, bebe, QQ, P女 這星期的叫聲比之前大
而且叫過不停
吵到我連電視都睇吾到