TO 新丁

真正

對唔住，可能我好多事，
但我見新丁你成日無所事事，
你仲細，咁唔係辦法，
新一個學期新開始，
而家青年學院開始接受報名，
有別於一般正規課程，佢既課程好多好好玩，
而且只要你有中三學歷，仲有未完成免費教育，你都可以報名，
不如你去認真讀個課程，拎個一技之長啦﹗

真正

但都唔可以就咁落去，
你成日係部電腦前面唔係辦法，
其實電腦係你長處，
你不如真係揾個機會發展下，
香港講資歷架構，
無張沙紙旁身真係以後好鬼煩，
襯而家就黎緊有咁多野報，睇下自己arm邊犯啦~~~

真正

新丁，
一年就係一年，
過左今年，你又大一歲，好快就變成所謂既「大人」。
一做左「大人」，會被人施加好多既「期望」，無一技之長/學歷既你，會好辛苦。
我有朋友，細個時讀中四讀左三次，最後會考畢業都唔好成績，佢而家三十二歲，二十九歲人先發現，原來都係要走讀返書呢條路先可以係香港揾食~(先此聲明，此人年齡大過我~HA)真係揾書讀~
又有一個我學興趣班既師弟，今年十九歲，問佢搞緊咩~佢話做緊野~又讀緊書~好辛苦~每個月D糧又要比少少屋企，又要養女朋友，又要比學費~我問佢：「你做建築，都要讀~﹖」，佢答：「都要讀，而家邊行都要學歷。」

所以反正遲讀早讀都係要讀，都要捱落去~
我諗你第一步係：
決定自己係咪想讀返書。
第二步係：
諗清楚自己係咪想讀主流學校，讀中文、英文、數學、通識、兩個選修科，
定係想讀有利就業既學校，
第三步係：
決定左，就要揾資料~

真正

學校就唔敢介紹喇﹗
不過，街坊講得arm，
我支持新丁你讀返書，但假如入返主流學校，主流學校都有主流學校既規矩，你制造麻煩既問題一定要改。
所謂既「正義」與否，有時只係觀點與角度既問題，
即使係警察、律師、法官，所謂既「正義」係香港都只係依法律辦事，講真都無咩人有絶對能力去定義「什麼係正義」、「什麼唔係正義」，所以「正義」與否，新丁用你既眼睛多觀察，多學習，先下判斷會好d~
你最值得人欣賞既係：「錯就要認」，係一定要堅持，
不過我地係錯之前，係應該避免犯錯。
錯左仲要大條道理撐自己既，就真係唔值得原諒。

都唔怕老實講，
其實一路睇你d post，我都唔係好想同你講野，因為正如街坊講，你係一個麻煩marker，
你既缺點確多，但經過觀察，
你係心地善良，只係做法錯誤，
我之所以出呢個post，係唔想你再自閉，越自閉，就越容易諗埋一邊，
出黎讀書，其實係想你多d接觸生人，(唔係話你一路接觸果d都係....)，從魚蝦蟹、鸚鵡等等跳出黎~
開闊下眼光，認識人情世故~
至於前途唔前途，我覺得對你黎講，已經係下一步~
你要「還原基本步」先喇~

真正

對唔住，新丁，我真係好多事，係職業病。原諒我呢個歐巴桑。

真正

新丁，
你果時讀舊制定新制架﹖
我見你成日都講拎中五~而家一讀要讀三年架喇boo﹗

真正

我又好老實講，
我又睇左新丁你幾個post，
你可能真係未必適合返去讀新學制，(當然決定權在你手)
因為，又係好老實講，你諗新學制仲係諗得好夢幻，
讀完中六考完文憑試，四科主科合格3322+兩個選修合格先叫做OK，
唔OK又係走返去讀證書課程/毅進之類，
倒不如而家認認真真讀個證書課程，拎左個一技之長會好D，
唔鐘意既話，三年係非常、非常、非常難渡過~~

真正

如果新丁有決心返去讀新學制~絶對係好事~
只係我一路教，我一路都覺得班新學制細路讀得好吃力，(辛苦係必然，但我覺既係吃力)
基本上現階段行左兩年，除左數學之外，每科都要交個專題研習，
以通識為例，分三個階段交三個功課，最後一個階段份報告，建議字數已經係1500-4000，當然到最後一定會爆4000啦~仲有中、英、通、兩個選修科一齊黎~真係滴哂汗....
答題要求方面~只係中四~我學校已經被人標籤為所謂第三組別，
但又以通識為例，答1小時，要答3-4版紙，講緊既係一張只係間左一行行比你自己爆寫，寫足3版紙~再一路train上去先有機會合格~
真係要好有決心先可以做到~

我都相信新丁有能力讀，但有無決心同恒心，係最關鍵，
如果新丁同阿sir傾完，自己落左個決定~我點都支持你﹗﹗﹗

真正

如果寫字無問題~
咁可能真係無問題~
字體就真係唔係問題~
我D學生成日都覺得我好有問題~
因為我覺得鬼畫符都無問題~