Louis

先講品種, 如果資金有限, 彩鳳, 雞尾, 愛情鳥係好選擇; 彩鳳同雞尾比較溫馴, 咬人無甘大力, 傷口無甘大, 愛情鳥比較有性格, 唔係甘易馴服, 咬人亦好大力.
所以一般人會選擇由bb養起, 靠每日餵奶互動, 培養感情容易好多, 亦唔會被咬, 但bb 抵抗力弱, 容易染病, 而新手經驗淺, 未能及時察覺, 容易造成死亡.

如你要成功有效馴服隻雀, 就係一籠一雀, 除要餵奶bb之外, 一籠二雀, 三雀, 或更多, 係極難將d雀馴服, d雀會自己玩, 唔須要理你, 除非你好彩, 遇到一隻非常為食既雀.
選擇bb雀時, 唔可以盡信鳥販話隻雀既性別, 因為呢d小形鸚鵡, 骨骼未完全發育, 好難摸得出盤骨闊度, 去判斷仔定女, 多數係亂講.

已經可以自行進食固體食物既幼鳥或成鳥, 返到屋企後, 頭兩三日, 好多雀都會緊張唔食野, 頭兩個星期, 先隔離靜養觀察, 等隻雀習慣新環境, 因為轉換環境帶來既精神緊張, 會令免疫力下降, 如果隻雀有病潛伏, 呢兩個星期有可能會病發, 所以暫時不可急於馴服, 訓練, 或建立信任. 等到隻著開始自行食野, 整理羽毛, 唱歌或大叫, 就代表已接受新環境, 此時可以開始慢慢用零食引隻雀.