Louis

新鸚鵡返到屋企會好驚, 會抓住籠頂角落, 唔食唔飲.
1. 先安置個籠去一個安靜少人騷擾環境.
2. 雀籠外四面蓋上毛巾, 減少籠外景物刺激.
3. 籠內暫時唔須要任何玩具.
4a. 如果隻雀唔肯企上棍, 將支企棍安裝去隻雀躲藏角落隻腳位置附近, 隻雀自然會企上去. 然後再將水杯糧杯, 安裝去企棍附近, 隻雀容易觸及既位置.
4b. 如果隻雀已經企上棍, 將水杯糧杯, 安裝去企棍附近, 隻雀容易觸及既位置.
5. 靜養一兩日; 正常情況, 靜養一晚後, 第二日已經會見隻雀曾經飲水食野.
6. 如果隻雀曾經飲水食野, 就可以拎走籠正面塊毛巾, 靜心鸛察.
7. 如果隻雀可以安心自在進食, 就可以拎走籠側面一塊毛巾, 再靜心鸛察.
8. 重複第六, 第七步驟, 直到唔須要毛巾圍, 隻雀已經習慣周圍環境.
9. 跟住可以改變企棍, 水杯糧杯去原來位置.
10. 要籠內養定之後, 先至再訓練上手.

Louis

不用惊慌，哈哈，让它饿着，饿急了就乖了
laozuo 發表於 2010-6-27 23:19

幼鳥唔餓得, 會嚇病及餓死.

Louis

Louis :
甘幼鳥初黎步到，又唔係好食雀店餵開的糧以及奶粉，淨肯食葵 瓜子應該點呢?
yokojune 發表於 2010-6-28 01:18

1. 拎走所有玩具.
2. 每日只得一餐, 內有少量瓜子, 大約佔每餐份量四分一或五分一, 其餘係生果糧, 如果隻雀一次過食晒d瓜子, 唔好理佢, 唔好再加.
3. 隻雀無野玩, 就會去玩糧玩水, 玩玩下d糧就會食.
4. 如果有食d生果糧, 就唔好再俾瓜子; 如果完全唔食d生果糧, 第二日先加番上述份量既瓜子吊命.

如果同時有養其他中大型鸚鵡, 轉糧效果會更快, 因為鸚鵡喜歡互相學習, 見到另一隻會食d糧, 會比較容易放下戒心, 嘗試新糧.