Louis

1. 要視乎當時隻雀體格, 例如隻雀抓實手指時夠唔夠力, 於籠內爬行時, 敏唔敏捷, 倒吊夠唔夠力, 目的係觀察隻雀對腳夠唔夠強壯, 能唔能夠負擔腳鏈既重量; 如果隻雀瘦弱, 腳鏈既重量會對隻腳發育及關節造成影響.

2. 可以食生果蔬菜, 同時請參考以下乜野人類食物唔食得.
http://forum.parrot-tree.com/vie ... &extra=page%3D1

Louis

3Q~~Louis 牠現在十分強勁..爬籠倒吊好瀟洒..＋足似生番..無時停....但我認為佢..大约1歲可上鍊..對嗎?小克..好大食..係唔係佢還發育中?
1two3 發表於 2010-7-3 12:14

如果已經爬籠倒吊好瀟洒, 已經可以上腳鏈. 凱克運動量高, 消耗多, 所以好大食.

Louis

八字扣得一種類型, 至於扣上八字扣既行街繩, 有人選擇幼狗繩, 有人選擇幼金屬鏈, 我個人覺得幼狗繩好d, 因為比較輕, 對隻腳負擔少d.

上左八字扣之後, 唔好急於帶隻雀出街, 等隻雀習慣左個八字扣(一兩個星期)之後, 屋企關好門窗, 扣上行街繩, 放隻雀上企架, 觀察半日, 睇下隻雀會唔會好快開到行街繩個彈弓扣, 如果隻雀開到, 即表示唔安全, 有機會走雀, 就要換個難開既扣, 或者改變扣雀方法.