Louis

兩隻bb未識得周圍玩周圍爬, 暫時幾星期迫埋一齊住無問題, 除左可以保暖, 仲有安全感.
怕風扇吹到, 就籠外夾大浴巾擋住.
大白餵奶, 一日最少兩餐, 每餐至少30ml, 有d大食既, 甚至可以食到60~80ml, 籠內可放d合成糧.
所有種子糧, 瓜子都唔好餵, 種子瓜子難消化, 幼鳥消化力未夠, 萬一消化不良, 引致嗉囊炎就麻煩, 100隻患消化不良既幼鳥, 101隻都係因為食種子糧引致. 點解鸚鵡要反芻餵幼鳥, 就係因為幼鳥消化唔到種子.
餵得奶, 食得到乾糧, 就唔需要餵葡萄糖水.
買奶粉時, 買全包或全罐, 唔好貪平買散裝.

Louis

先唧少少奶入口, 如果bb知道食得, 就唔會怕, 如果仲係怕針筒, 就試下用匙羹餵, 或者放晌碗或狗兜, 等隻bb自己食.
bb 唔肯食奶, 唔好強行灌, 灌入氣管就好易肺炎.
精神緊張或腸胃炎都會令大便一 pat pat, 肯食野, 一兩日就會回復正常.
條頸拉上拉落應該係同你玩.
夜d試餵多一次, 唔肯食就算, 籠內要有合成糧.
Kaytee Exact 都係一隻好奶粉.
如果屋企有其他鸚鵡, 就俾bb 望到, bb 會學習其他鸚鵡行為, 食野, 飲水, 玩, 大叫.

Louis

"點知喂完奶抹靜個咀發覺燒賣（男仔）佢個咀潰爛"
如果個咀真係潰爛, 一係隻雀已患上絕症, 一係患上嚴重真菌感染, 亦可能你唔識形容個傷口.

"同埋冇力咬糧同瓜子，蝦餃（女）剝埋喂佢都食唔到，會唔會真係未識食呢？"
可能個咀受傷疼痛, 無力咬合.

"佢又唔知係先天有缺陷定運送時傷左"
如果係先天問題, 會一世都有問題; 如果係俾其他雀咬傷, 一兩個月會好番.

"佢收我五十蚊一日話包一星期後識食，我都唔想冇左佢，但一星期期後食唔到點算"
點解唔帶去睇醫生呢? 要自己估估下.

"如果真係先天缺陷佢會唔會永遠都要靠喂奶呢？"
如果真係先天缺陷, 係永遠都要靠餵奶.

"會唔會真係連瓜子同香蕉都會未識食呢？"
可能會, 有d鸚鵡唔肯戒奶, 就會唔肯食乾糧, 而飼養者迫隻雀戒奶, 隻雀就會越來越瘦, 越來越輕, 導致營養不良.

"會唔會有機會好似人類咁內上顎未遇合呢？"
鸚鵡上下顎不能完全閉合, 係好普遍及正常.

如果你真係喜歡隻鸚鵡, 不如帶去睇醫生, 俾醫生仔細檢查, 清楚知道隻雀有無問題, 好過自己估估下.
網友俾幾多意見都無用, 因為大家都無親身見過摸過隻雀, 網友都係根據你既描述而估估下, 不能作準.

Louis

佢已經比返哂錢我喇，不過佢亦願意唔賣住，幫我照顧一星期，如果呢星期後可以自己咀嚼就會先賣返比我，我有話同佢比獸醫睇，佢死話塗藍藥水會好返，好唔到先睇。
"會唔會有機會好似人類咁內上顎未遇合呢？"
鸚鵡上 ...
gilgil 發表於 2010-7-27 11:21

鳥類既口內, 係無好似哺乳動物既軟顎部份, 你諗多左喇.
個咀傷左, 咬野用力自然痛, 當然無力啦.

Louis

咀外部創傷同感染既傷口好易分辨; 創傷傷口側邊d組織係健康正常及堅硬, 而且感染做成既傷口側邊d組織係軟既.

如果另一隻肯食奶, 你不如直接將d合成糧打碎成粉末, 用黎開糊仔當奶餵, 起碼飽d.

蛋糧係一d加多左蛋, 蛋殼, 及其他額外營養成份既糧, 主要係俾繁殖期既母鳥食用, 補充產蛋後身體流失既營養.

Louis

我想買果d都要有成鳥~~~~~但我要求高買唔到
Cozzy 發表於 2010-7-27 23:49

你要求"高買"唔到?

Louis

PBFD 未病發時, 體內D病毒仲係少, 係好難驗得出, 而個病又有潛伏期;

我見過d case, 有人買左隻雀即刻帶去獸醫度檢查加驗血, 乜事都無, 點知三個月後證實隻雀中左招, 究竟隻雀幾時受感染就係一個迷. 繁殖場? 運輸途中? 鳥店? 獸醫診所?

所以只可以話隻雀同主人唔好彩.

Louis

PBFD 可以潛伏幾年, 成為愛滋帶菌者, 所以係好難防.

Louis

既然係避無可避, 所以請用平常心面對啦, 除非永遠唔帶隻雀同其他鸚鵡接觸.

三歲以上既健康成鳥, 抵抗力強, 比較少機會受到感染.

成鳥係可以成為帶菌者, 所以如果母鳥帶菌, 就會直接傳染俾幼鳥.

Louis

傻啦, 唔擔心得甘多, 唯有儘量唔好俾遊人亂摸及企上手影相, 我地唔知d遊人有無摸完病雀, 再摸自己隻雀.

Louis

鸚鵡熱不論鳥類品種, 甚至哺乳動物(包括人類), 都可被感染.

有關鸚鵡熱既中文詳細資料, 資料來自台灣政府部門:
http://www.baphiq.gov.tw/ct.asp? ... tNode=1418&mp=1
http://vettech.nvri.gov.tw/Articles/handbook/128.html

另外資料來自中文醫學百科網站:
http://big5.wiki8.com/yingwureyiyuantiganran_37875/

Louis

但都要識得分辨d資訊真假.