Louis

夜晚餐奶餵完冚布, 你會發現, 第二朝只要唔好俾隻雀聽到聲或見到人, 隻雀係唔會叫住, 仲可以一直安靜到晏晝, 但係一俾佢知道有人醒左, 一定會不停叫問攞野食.
專登戒奶係無必要, 順其自然, 隻雀會越食越少奶, 或者你可以先戒中午餐奶, 籠內唔好放玩具, 無玩具就會去玩食物, 順便食埋.

Louis

鸚鵡會知飽, 食飽掉頭走.

Louis

過飽會嘔返出黎.

Louis

一係未夠飽, 一係想同人玩.
在野外樹洞雀巢中, 幼鳥如果在無父母出現情況下, 係唔會叫, 以免吸引掠食者. 見到父母, 代表安全, 可以放心狂叫向父母索食.

Louis

先了解比較合成糧及奶既營養成份, 例如: Harrison, 合成糧分別有 Lifetime 及 High Potency 兩種.
Lifetime 係俾一般鸚鵡食用, 而 High Potency 係俾繁殖期既鸚鵡, 及大型鸚鵡食用.
營養比較方面(由高至低): High Potency > 奶粉 > Lifetime.
所以我會選用較高營養既 High Potency 磨粉做糊仔.

我所講既糊仔, 係先將合成糧磨成粉, 用時加熱水即可, 營養成份無改變, 但因加水關係, 會發漲而使質量大左, 雖然可填飽肚, 但食左落肚會好快再肚餓, 所以籠內要備有相同既合成糧, 因氣味及味道一樣, 隻雀會容易認出及食落口.

以下係實驗例子:
一湯匙合成糧, 磨成粉後會成為兩湯匙粉末, 因為粉末之間有空隙.
如果隻鸚鵡每餐食量係一湯匙合成糧, 但餵左一湯匙粉末開既糊仔, 實際隻雀只係食左半湯匙合成糧, 另一半係水, 所以隻雀會好快餓.

Louis

Roudybush 同 Harrison 主要營養成份如蛋白質, 脂肪質, 無大分別, 但其他營養成份如維他命及礦物質就比較大差別, 可能不同牌子在研究上有不同觀點.

另外 Roudybush 含有防腐劑, 包裝上英文無寫, 但其他國家文字上有寫.

Louis

生果糧當然可以做正餐, 但隻雀要食晒所有野, 唔可以只係偏食生果糧內某幾種野, 所以生果糧都有條狀既合成糧, 以補充不同營養種類既不足.