Louis

由於一般人唔識, 亦懶得去問獸醫, 人類既醫生又對雀鳥既疾病唔熟識, 所以一般人(包括人類醫生建議), 都採取斬腳趾, 避沙蟲方式, 放棄所飼養既寵物.
其實方法好簡單只要注意衛生, 勤清理鳥籠底盆, 孕婦儘量唔好接觸到寵物鳥既排泄物, 就已經可以.

寵物鳥會傳染俾人類既疾病, 常見有體內寄生蟲病及皮膚病.
體內寄生蟲病可以先帶隻寵物鳥去獸醫處, 作杜蟲治療, 清除體內寄生蟲.
皮膚病多是由真菌感染所致, 家居保持乾爽清潔, 可抑制真菌滋生.
至於禽流感, 只要唔俾隻雀有機會接觸野鳥, 感染到H5N1禽流感既機會係接近零.

家居消毒方面, 避免採用有毒性及有刺激性氣味既消毒劑, 例如漂白水, 醋(其實科學家一早已經証實, 醋係無消毒能力), 滴露(對動物含劇毒性), 因為以上消毒劑及其氣體, 皆可使寵物鳥中毒.
為安全起見, 可以使用 Hibitane (希必定, 主要成份: 4% Chlorhexidine gluconate)外用濃縮消毒劑, 價錢大約$700 五公升, 使用時須 1:100 稀釋, 即係價錢每公升 $1.4. 呢隻消毒劑, 即係 Unisep 既濃縮版, 無氣味, 無毒性, 吞落肚亦無害.

Louis

因為貴, 一般藥房唔keep存貨, 要訂, 去醫療用品店就多數會有, 醫療用品店即係有得賣輪椅個d.

另外, 同一產品, 有隻叫 Hibiscrub, 消毒成份同 Hibitane 相同, 不過添加左洗潔精, 除左消毒, 多左清潔功用.

Louis

綠水含強鹼, 拖地無問題, 洗雀鳥用品就唔好喇, 如果過唔清水食落肚就有危險.
而家成日講環保, 我自己就選用一d可以生物降解(bio-degradable)既清潔產品, 例如, 紅威寶, 橙威寶, 減少對環境影響.

Louis

用滴露拖地ok, 但千祈唔好用黎幫動物洗傷口, 如果誤吞滴露, 會對消化道黏膜有腐蝕性.

Louis

最重要係無毒性, 如果有毒性就唔好俾隻雀聞到.

Louis

大家太抬舉我, 我以前只係做獸醫護士, 做左十年, 太過辛苦, 想轉換環境, 依家無做喇.
gilgil 已經解釋得好清楚, 漱口水既 chlorhexidine 濃度太低, 未足以作消毒傷口用途, 不過乜都無得用時, 用漱口水都好過無.

Louis

如果係醫生開既話, 份量及使用方法正確, 應該係唔會有後遺症, 類固醇唔會有作嘔感覺, 反而會有肚餓同口渴感覺, 所以會見成日食野同飲水, 而且停止使用類固醇後48小時, 身體應該唔再受類固醇影響.
D人擔心類固醇有害身體, 係因為類固醇要由腎臟代謝, 排出體外, 會增加腎臟工作量, 如果使用過量, 會令腎臟工作過勞, 傷害腎臟細胞, 形成腎功能不全, 即係腎病.

成日易嘔、搖下搖下同狂掉毛, 應該係其他問題, 唔關類固醇事.

Louis

Chlohexadine 1:80 (0.05%) 已經可以達到有效消毒效力, 但 1:80 唔好記, 1:100 d人就容易記.

* Unisep 都係 0.05% .