Louis

氣體中毒係來得好快, 發現時多數已經跌左落籠底, 要即刻帶去獸醫度急救, 聞氧氣, 使用解毒藥物, 及吊鹽水中和血液中毒物濃度, 但係多數都好難救得返.

因為雀鳥呼吸系統同哺乳類動物唔同, 雀鳥體內有氣囊, 當吸入空氣時, 空氣會先進入後氣囊, 再由後氣囊進入肺部交換氧氣, 交換後既空氣會進入前氣囊, 最後先至呼出.

哺乳類動物呼吸循環:
吸入空氣 > 肺部 > 呼出空氣
體內只存有一啖空氣.

雀鳥呼吸循環:
吸入空氣 > 後氣囊 > 肺部 > 前氣囊 > 呼出空氣  
即係體內同時存有兩啖空氣, 所以如果氣體中毒, 所中既毒係雙倍.

Louis

有機溶劑既揮發性氣體對人體既影響:
1. 類似飲醉酒般面紅, 心跳, 發熱, 目光呆滯, 動作遲鈍, 及步履不穩
2. 產生幻覺
3. 嘔吐, 食慾不振, 口渴
4. 情緒低落, 反應遲鈍, 警覺性下降
5. 頭痛
6. 昏昏欲睡
7. 過敏症
8. 情緒不穩定, 抑鬱, 暴躁, 焦慮, 發噩夢
9. 影響腦部, 引致神經系統, 及呼吸系統永久性損壞
10. 引起心跳紊亂, 導致昏迷, 呼吸困難, 甚至窒息死亡.

至於對雀鳥會有何影響, 無人實際研究試驗過, 估計只可能更差.