返回列表 發帖
肛門腺出口閉塞, 肛門腺分泌液排唔出, 谷爆左肛門腺, 應該要去睇醫生, 要打針食藥洗傷口, 同埋檢查另一邊肛門腺有無相同問題. 收費應該幾百到一千(診金, 洗傷口, 唧肛門腺, 打針, 口服藥物, 消毒藥水/藥膏). 依家見到個傷口已經發炎腫晒, 要睇醫生.
因為第一次發生時無正視問題, 個傷口埋口時d結疤組織有機會令肛門腺出口進一步收細. 所以要定期帶去醫生度唧肛門腺, 以防再爆, 每次唧肛門腺收費幾十到一百.
今次爆之前, 有無見隻貓成用 pat pat 磨地下, 因為如果 肛門腺出口閉塞谷住, 隻貓應該會覺得唔舒服, 所以會磨 pat pat.

TOP

小便有血, 可以係膀胱炎, 尿道炎, 或者膀胱結石, 第一步係要驗尿, 有問題要及早醫, 越遲醫, 越大鑊, 攪到要做手術, 就會越貴.
肛門腺出口閉塞, 同小便出血係無關, 係兩個獨立病症.
肛門腺出口閉塞, 同年紀亦無關係, 但同飲食習慣有關, 如果成日都係軟便, 大便排出時未能有效擠壓肛門腺排出油脂, 污垢就有機會積聚於肛門腺出口, 造成閉塞.

TOP

返回列表