Louis

如果係成鳥, 玩完水都唔需要吹乾, 三個月大 bb 就最好吹乾, 或者唔俾佢玩水, 等第日大個日日落湯雞都話知佢, 依家仲細, 唔好冷親.

Louis

雞尾本屬澳洲沙漠及草原等旱地雀鳥, 氣候少雨, 唔喜歡玩水係出於本性.
亞馬遜, 錐尾等屬南美洲熱帶雨林雀鳥, 四季多雨, 所以喜歡玩水.

Louis

有需要既時候, 隻雀識得自己去水杯玩水. 雀鳥唔會出汗, 所以皮膚上唔會甘易黏上灰塵污垢, 而且羽粉有防污作用. 大家亦經常會見隻雀自己執毛, 執毛係雀鳥自我清潔方式之一, 所以用水沖涼唔係必需.