Louis

都無話邊度好, 間間寵物店都會有病貓.

等我講下d常見家居養貓問題:
1. 抓傢俬, 唔多唔少都會抓花;
2. 跳高跳低打爛野(短腳貓就好d, 跳得無甘高);
3. 捉雀仔, 及其他小動物.

無以上三種問題既貓, 可遇不可求.
性格三歲定八十, bb時已經唔俾抱, 大左都一樣唔俾抱, 有d可以好痴身痴勢, 但係都唔俾抱.
女比較斯文整潔d, 仔比較多古靈精怪動靜, 動作, 表情, 如果作攝影題材, 仔啦.

可以的話, 唔好買bb, 香港d寵物店太多 FIP (貓腹膜炎), 係一個月內必死無藥醫病症, 半歲以下bb極易受到感染, 養得大既, 感染率就會低好多.
香港d寵物店繁殖太濫, 扁面貓(異國, 波斯), 摺耳貓, 八成以上都會有遺傳病, 呢兩個品種都唔建議.

如果打算用籠養, 算把啦, 唔好養喇, 以前見過好多都會有潛在抑鬱症, 唔再理任何事, 淨係食同訓, 有病時會失去求生意志.