Louis

由於鸚鵡腸道短, 以及食物含有豐富纖維, 一般好少會有便秘發生, 便秘多數發生於肉/蟲食性鳥類.
如果鸚鵡患上便秘, 多數係以下原因:
1. 被蛋阻塞泄殖腔.
2. 泄殖腔受過傷或做過手術, 失去控制排泄能力.
3. 肝病併發症.

如果真係便秘, 會見到下腹脹大, 食慾不振.

Louis

4# louisa20047
有無氣囊脹起時既相片? 每隻雀身上有 7 或 9 個氣囊, 正常會隨呼吸脹大及縮細, 但外觀唔會見到.
如果係進食後頸側或頸背脹起, 應該係嗦囊充滿氣體令食道脹起.

Louis

5# louisa20047

塞蛋便秘, 正常情況下, 每一兩日都會有一次排便, 每次都會一大堆, 有成隻蛋咁大.
超過兩日都無大便, 可以從肛門唧入0.2ml 甘油或生油滑腸, 半小時內應該會排出, 但如果有蛋, 隻蛋都會被排出.

如果常有便秘問題, 日常應多進食蔬果, 任多d水.

益生菌無治療便秘作用, 益生菌可調理腸道菌落種類, 抑制可致腸道疾病害菌滋生, 幫助進一步分解消化後既食物, 令營養更容易被腸臟吸收.

Louis

3# louisa20047

便秘可以係肝病其中一種病徵或併發症, 由於肝臟有自我收復能力, 初期病徵唔會明顯, 但當肝臟細胞破壞速度快過收復速度, 肝臟細胞破壞內既膽紅素會進入血液, 令血液變黃, 形成黃疸症, 令患者外觀泛黃, 例如皮膚, 口腔, 眼睛等, 部份膽紅素會隨排泄物被排出, 所以排泄物會呈現黃色.

鸚鵡肝病成因眾多, 例如中毒, 脂肪肝, 肝癌, 病毒感染, 寄生蟲感染等, 而家中飼養既寵物鸚鵡, 最常患上肝病原因係中毒及脂肪肝, 例如重金屬中毒, 藥物/有毒植物中毒, 運動不足及營養過量.

"下腹脹大~係咪即係胸骨對落~肛門對上~長期脹脹地呀?" 正是.

Louis

14# louisa20047


由於相片光暗問題, 我唔可以話係肝病, 但似係腸胃炎, 如果肝有問題, 白色既尿酸會變成黃色.
如果長期腹脹, 應該睇醫生. 小型鸚鵡(例如: 彩鳳, lb, 雞尾)生腫瘤好常見. 泄殖腔畸形或有腫瘤阻塞, 亦可令排泄物逗留, 要滿先可以作出排洩, 排泄物逗留期間, 就會令下腹脹起.
不過以上都係可能性猜測, 要醫生檢查先知道.

Louis

如果隻雀會浸合成糧食, 已經無問題, 合成糧設計係容易消化吸收及排泄, 索飽水, 隻鸚鵡食左浸糧已經吸收足夠水份, 唔熱唔口渴, 自然少飲水.

Louis

氣囊問題應該俾醫生檢查, 是否體內氣囊穿破, 令皮下充氣, 抑或係良性脂肪瘤.
可以參考以下case:

Louis

輕微腸胃炎, 可以淨餵白飯及雀粟(冇瓜子)一兩日, 同時餵益生菌, 等大便結實成形, 之後至慢慢轉回合成糧.
嚴重腸胃炎, 需要同時服用抗生素, 殺滅害菌.
由於肚瀉會流失水份及電解質, 可以提供電解水作補充, 切勿餵葡萄糖水, 會加速流失水份.

Louis

淨餵白飯及雀粟, 唔餵瓜子及火麻仁, 因為澱粉質可以幫助令大便結實, 瓜子及火麻仁等含較高脂肪, 有腸胃問題要就不應進食高脂食品, 要清腸胃. 如果隻雀唔食細粟, 可以餵小麥,大麥,高粱,野米,粟米,等較大粒既穀物, 淨食白飯都無問題, 因為只係餵一兩日清腸胃, 唔係長期食.

餵葡萄糖水, 葡萄糖會滲透入血液, 迫出血液部份水份, 被迫出既水份會被排出, 使身體進一步水份流失, 所以食完甜野會口渴. (食鹹野同一道理)

腸胃炎可以好多成因, 除左感染, 不當飲食習慣, 內分泌失調, 腸胃過敏, 精神緊張都可以引致腸胃炎.

Louis

30# louisa20047

合成糧有助排便, 肚瀉時繼續食, 就算好番都會keep 住軟便多幾日.
粟米大麥小麥都係生食.
瓜子類種子多油份, 但穀物種子少好多, 主要係澱粉質.
電解水可以俾寶礦力1:1加水或再溝稀d都得.