Louis

雀鳥尿道結石(Urolithiasis)一般發生在蛋雞身上, 真正原因未明, 但推斷與飲水量, 食物蛋白質及鈣質含量, 以及活動量有關.
結石主要成份為尿酸鹽(氮化物), 即係蛋白質代謝物, 食物含蛋白質越高, 排洩出既白色尿酸就越多; 尿酸原本係粉狀, 一般隨尿液排出成白色漿狀, 但如果尿液少, 尿酸粉就會結成塊狀, 有如結石.
另外一種結石係草酸鈣, 草酸來自深綠色蔬菜, 鈣來自墨魚骨/蛋糧, 當兩者同時進食, 經過消化後, 草酸及鈣質就會結合成草酸鈣結晶; 一般草酸鈣結晶非常細小, 可以隨尿液排出, 但如果飲水量不足令排尿減少, 草酸鈣結晶就會積聚, 積少成多就會形成結石.
運動可以刺激腸狀活動, 增加排泄次數, 減少尿酸及糞便積聚.
要預防結石:
1. 增加飲水量
2. 多運動, 如有巢箱請拆走, 令母鳥唔可以長時間逗留巢箱中.
3. 控制飼料內蛋白質, 鈣質, 及草酸含量, 例如減少雀粟, 增加合成糧, 蔬菜與鈣不同時餵食.

* 服用過多維他命C, 亦會容易引致結石.

Louis

1. 籠內保持有充足水可以飲用. 除左清水, 可以試下俾兜有味水, 例如鸚鵡奶水, 粥水, 麥片水, 或暖水; 因為有d鸚鵡偏好飲有味水或暖水, 但係兜有味水放兩三小時後就要倒, 以防變壞.
2. 拆走巢箱
3. 暫停餵所有維他命及礦物質營養補充品
4. 暫時只餵日常主糧, 水果, 及蔬菜.
5. 加溫, 可以的話, 保持籠內環境有28~30度.

Louis

滾水加麥片又得, 煲熟又得, 唔係杰杰糊仔狀, 而係稀稀粥水狀, 只求d水有味, 隻雀鍾意飲.