Louis

真實個案:
用電鍍籠或焗漆籠養中/大型鸚鵡, 因為咬力較大, 容易令舊籠既電鍍或焗漆脫落, 隻雀亦不知不覺間吞左唔少而慢性重金屬中毒. 一般平均4~5歲開始出現病徵, 最小見過係3歲. 常見初期病徵係咬毛, 好多飼主都唔帶去睇醫生, 以為係心理病, 直至便血, 先至去睇醫生, 照X光見到腎結石, 驗血後先知道重金屬中毒, 仲已經影響肝臟腎臟功能, 而粒結石就係由重金屬結成. 雀鳥好識得隱藏病徵, 肝中毒及血液含重金屬都仲有得醫, 可以用分解重金屬藥物, 但係粒結石對腎臟造成既損傷係永久性, 從而縮短隻雀既壽命.

如果經濟能力唔許可, 買唔起不鏽鋼籠, 用電鍍籠或焗漆籠就儘量每年換一個新籠.
大家亦唔好貪平, 買二手電鍍籠或焗漆籠用, 以免重金屬中毒.