Louis

1. 搽油, 無效用, 因為會被皮膚吸收.
2. 搽香港腳藥或其他抗真菌藥, 有肝毒性, 隻動物因太年幼, 藥物代謝過程會使肝臟過度工作而受到破壞, 加快死亡.

你應該做:
1. 棄掉現有既飼養箱及餵食用具, 因可能已經受到真菌污染.
2. 保持飼養箱環境乾爽, 例如使用大片木糠作為底材, 或用廚房抹手紙作底材, 每日最少更換兩次, 放棄保濕觀念, 因為濕度太高所以令真菌(霉菌)滋生.
3. 去藥房買"Unisep"安全消毒藥水, 約$2~3一包, (茄汁包裝), 開封後用樽仔裝住, 可以keep一星期效用. Unisep 可殺細菌及真菌, 可吞落肚無毒性, 但小心唔好入眼, 如入眼會令眼睛受刺激不適, 但不會對眼睛做成傷害, 用清水沖眼即可.
用棉花點Unisep幫隻雀抹勻全身, 每日2~3次, 然後用風筒吹乾, 記得幫隻雀保暖.

Louis

2# yimaggie
霉菌即係真菌.
Betadine 雖然得, 但會令身體染黃, 如被隻雀舔食身上betadine, 會令身體過量吸收碘質, 影響健康.
Virkon, 如被舔食可引致中毒, 而且對皮膚有刺激性, 如每日使用, 可以令皮膚乾燥到爆拆.

Louis

將Unisep 加溫, 無問題, 唔會影響其消毒能力.
酒精能殺霉菌, 但不適用於搽上身上, 因酒精能加速水分揮發, 令皮膚變得乾燥, 亦會冷倒隻雀.
如果要消毒食具, 可以用Unisep浸半小時, 或用滾水烚. 唔可以用酒精浸, 因為酒精屬於有機溶劑, 與膠接觸會產生化學反應.
如果你係用針筒餵奶, 可以去藥房買"BD"牌子針筒, 呢隻牌子針筒可以抵受140度高壓蒸汽消毒, 所以唔怕用滾水烚.
如果你打算用 Unisep 浸食具, 我建議你去"真善美醫療用品店" 或 "永恆醫療用品店"(旺角洗衣街近花墟), 買 Hibiscrub (Chlorohexadine 4%), 即係 Unisep 濃縮液, 自己加水稀釋使用, 稀釋比例1:100, 比較化算及方便. 但濃縮液一公升裝要百幾蚊, 五公升裝好似要六百幾蚊.

我自己就買五公升裝, 稀釋後裝落噴水壺洗籠, 或好似洗潔精唧落洗手盆浸雀杯及玩具, 一桶五公升可以用成年.

Louis

哺乳類, 鳥類, 爬蟲類都用得; 水族及兩棲類就唔用得.