Louis

千祈千祈唔好買, 除非你大把錢, 大把時間, 大把地方.

咬毛問題分生理及心理兩種因素引致, 亦可兩種同時引致.
1. 生理因素, 顧名思義, 因為有病, 所以咬毛, 睇醫生, 化驗, X光, 夾夾埋埋, 分分鐘過萬, 能夠找出病因固然係好, 有機會醫好個病而唔再咬毛, 但係有d病, 例如:重金屬, 會傷及肝腎, 縮短壽命; 又或者先天疾病, 例如: 內分泌問題, 需要成世服藥, 及定期驗血, 以調整藥物劑量.

2. 心理因素, 基本上醫得好既機會極微, 就算暫時醫好, 有如計時炸彈, 隨時一晚就變成光雞一隻.

更甚者有d雀會轉牛角尖, 由咬毛演變致咬肉, 咬穿嗉囊, 咬爛背脊.

Louis

七個月大, 如果天氣溫暖, 係可以出街曬下太陽, 例如: 公園.
但係:
1. 唔好去雀街, 好多病菌.
2. 唔好俾其他人摸, 因為唔知人地隻手有幾多細菌病毒. 如果人地想摸, 要正面解釋俾人聽. 特別要小心小朋友及其他流浪動物, 小朋友動作好快好突然, 會嚇親隻雀, 唔會有耐性用心聽你講, 仲要小心有無波飛埋黎.
3. 初次出街, 唔好去太耐, 大約15~30分鐘, 觀察隻雀會否細膽緊張, 因為精神壓力可令抵抗力下降, 亦會使到過量排泄, 流失水份及電解質, 以及消耗體力, 返到屋企疲憊不堪.
4. 初次出街亦唔好舟車勞頓, 屋企附近公園好喇.