Louis

可以淨係左眼發炎, 亦可以係感冒/上呼吸道感染/鸚鵡熱前奏, 你可以去雀街龍華軒(16兩右轉角), 買支 Genoptic 眼藥水, 每日早午晚同臨訓前滴一次, 每次一滴, 用10日. 唔好貪心, 記住滴一滴就夠, 滴得多唔會好快d, 反而會吸收過量藥物, 影響肝臟.
* 眼藥水開封後一個月就要掉, 因為樽內藥水已開始被空氣中細菌污染.
如見有白色眼膠(膿液), 滴幾滴眼藥水上棉花棒或棉花球上, 然後輕輕抹去眼膠, 因為眼膠含有好多菌, 而且乾左會黏住上下眼瞼, 令隻眼合埋, 所以要抹走清除.
由於眼睛發炎, 強光會令病眼不適刺痛, 所以個籠應放去暗D既位置或蓋上籠布. 每日留意食量, 精神狀態, 大小二便, 如果狀態轉差, 就要儘早就醫服藥.