咬毛原因有好多, 常見既有皮膚痕癢引致, 如換毛期, 體外寄生蟲, 過敏症等. 體內不適而咬毛亦都常見, 如腸道寄生蟲, 氣囊寄生蟲, 重金屬中毒等.
仲有就係先天內分泌問題, 在外國好常見, 香港唔常見係因為肯帶隻雀去睇醫生既人已經好少, 肯驗血驗其他野去證實呢類病既更少.
醫生聽完你既描述及嘗試, 覺得有可能係體內問題, 所以要驗血去確定, 係正確做法.
咬毛係唔一定會流血, 只有新生毛針內會有血管, 一條原整羽毛內係冇血, 拔除時亦唔會出血.
既然你自己都估可能缺少某類營養素, 要證實都係要驗血. 如果唔想驗血, 唯有從食物著手, 先要令隻雀以合成糧作主糧, 使身體能吸收各種主要營養素, 然後俾各類蔬果種子果引作小食, 從天然食品中吸收其他微量元數, 致於營養添加劑或紅棕櫚油, 可以一星期俾一次. 環境及時間許可的話, 隔日或隔兩日, 用清水(或加有蘆薈汁)沖涼一次, 唔好用風筒, 用太陽或暖燈曬乾, 因為風筒暖風可以令皮膚乾燥痕癢. |