Louis

聽落你隻雀似係新返屋企, 緊張怕人.
一隻雀去到新環境, 會因陌生缺乏安全感而緊張不安, 想飛走或揾地方躲藏. 呢個時候應該靜養隻雀於籠中, 或如果係用企架養, 就安置個企架於一個安靜角落, 等隻雀先習慣新環境, 可以安心飲食休息睡覺, 否則隻雀處於緊張狀態, 未能充份飲食休息, 會好容易病倒.

你見其他雀友d雀曬雀時, 隻隻都可以企定定於企架, 係因為隻雀已經養定左, 對主人信任, 習慣上手, 習慣去街, 習慣與人接觸, 唔會緊張, 先至可以企定定.

Louis

凱克性格就好似狗仔, 好奇, 唔怕死周圍亂闖, 周圍搗蛋闖禍, BB仔尤甚.
照你咁講, 隻雀唔係唔習慣, 而係同小朋友一樣坐唔定, 要周圍走. 呢樣我都無辦法, 凱克天性係咁, 唯有等大個仔定性D至會企定定, 依家無人看管下只有困入籠, 你唔需要擔心隻雀唔開心, 掉件新野玩入籠, 例如外賣筷子, 膠匙, 紙球, 就可以玩一大餐.