Louis

即係同去買菜, 百佳, 惠康, 街市, 小販, 價錢有好大差別. 小販d菜唔一定差, 超級市場d菜亦唔一定特別靚. 舖租人工來貨價, 會直接影響售價.
出世紙毫無法律效力, 可有可無, 所以無需執著要有出世紙.
從腳環可以知道一D資料, 例如繁殖場簡稱, 年份等.
來源地已經無從稽考, 無人會比張入口証你睇, 南非入唔到香港就肯定, 但係有機會經其他國家轉口進港. 如果你怕禽流感, 鳥店仲怕過你, 而且到港時漁護處要即時驗, 所以中禽流感機會微乎其微.
D人成日死雀, 主要原因係d雀仲係BB, 抵抗力非常弱, 加上舟車勞頓, 水土不服, 無預防疫苗, 患病機會極高, 亦好難醫治.
所以新手養BB要冒上好大風險, 買左之後, 食物唔好隨便亂轉, 暫時餵鳥店提供既品牌, 養定之後先再慢慢轉糧. 一係就索性買成鳥, 起碼健康有保證.
至於店舖無話特別推介邊一間, 當然係行多幾間, 間間每隻雀比較, 除左留意雀既健康精神狀態, 仲要望下糧杯水杯, 睇下鳥店餵乜, 餵合成糧定瓜子, 有無蔬果零食, 水杯有無水, 乾唔乾淨, 籠底d屎靚唔靚, 都可以反映鳥店對d雀飲食健康注重程度, 以及同店同籠之中有無病雀. 另外鳥店衛生程度, 有無異味等, 亦係考慮因素, 衛生好自然患病機會亦會減低.