Louis

先要冷靜隻雀, 放返隻雀入平時訓覺既籠 或者 放個籠去個安靜及暗既地方, 若有籠布就蓋上, 留一條可觀察既罅隙. 籠內有足夠清水, 食物, 及喜歡既小食. 溫度舒適便可, 唔一定要加溫, 以防過熱, 然後等半小時至一小時冷靜時間. 如果係無力企, 就要即刻就醫.
冷靜時間時間過後, 觀察隻雀精神狀態, 呼吸狀況, 有無食過野, 飲過水. 大小二便情況, 有無整理羽毛等.

喘氣有好多可能性, 常見有:
1. 興奮 或 驚慌;
2. 過熱;
3. 呼吸系統疾病;
4. 痛症, 即身體某部位疼痛;
5. 中暑.

因為興奮,驚慌或過熱, 冷靜過後應該唔再喘氣, 會整理羽毛及自行進食.
如果隻雀發呆或訓覺, 就唔好騷擾, 等隻雀靜靜休息, 觀察一晚.
如果繼續喘氣, 就要及早就醫.