返回列表 發帖
第一隻藥 Vibravet 係抗生素, 主要係醫治鸚鵡熱, 呼吸道感染, 其他細菌感染病症, 以及可以杜某些寄生蟲..
第二隻藥 Baytril 都係抗生素, 主要係醫治呼吸道感染, 及其他細菌感染病症, 與第一隻分別在於, 如果 Vibravet 殺唔到既病菌(可能有抗藥性), Baytril 就係第二道防線.
第三隻藥 Itraconazole 係抗真菌素, 有別於以上兩種, 主要係殺滅真菌, 治療真菌感染病症.

可能個醫生見試齊幾隻藥都無效, 要作詳細檢查身體內部, 就需要麻醉令隻雀唔郁, 先可以照到清楚既X光片, 同時間可以抽埋血. 麻醉風險係50 50, 因為唔知隻雀肝腎有冇問題, 如果肝腎有問題, 麻醉就高風險.

照X光唔係淨係睇氣囊, 仲可以睇埋其他重要器官, 例如: 心臟有無發大, 肺有無斑影, 肝有冇發大, 體內有無結石或重金屬積聚, 腎有無縮小, 骨骼有無異常等等.
如果係內臟問題, 就可以解釋點解之前d藥無效.

TOP

返回列表