Louis

儘量令脫出物保持濕潤, 然後嘗試將脫出物推回入肛門內, 然後觀察, 如再次脫出就必須求醫.
脫出物可以係直腸, 亦可以係腫瘤. 如果係直腸脫出, 可以由便秘或者泄殖腔有蛋引致.
如果任由直腸脫出以至乾枯壞死, 隻雀就要做手術將壞死部份切除, 又或者排隊上彩虹橋.
脫出物因曝露於空氣及容易接觸便便, 非常容易受到細菌感染.
如果係腫瘤, 通常係因為受到疱疹病毒感染, 要麻醉仔細檢查, 至可以知道能否切除或使用藥物控制, 因為如果腫瘤與主要血管糾結, 就唔能夠切除. 另外就係, 疱疹病毒係高傳染性及好難斷尾, 患者就算痊癒都好大機會成為帶菌者.