Louis

寵物鳥患上痛風(gout)係常見病症, 一般多數發生於小型雀鳥身上, 例如彩鳳, 愛情鳥, 雞尾, 金絲雀, 文鳥, 胡錦及其他雀科鳴鳥.
健康雀鳥將食物消化吸收代謝後, 血液內既蛋白質代謝物:尿酸, 正常經由腎臟排出體外.
但如果腎臟出現毛病, 無法將血液內所有尿酸排出, 尿酸就會越來越濃形成白色結晶, 沉積在腳部關節, 最先發生於腳趾關節, 然後一路累積向上漫延, 關節會腫大, 出現白色顆粒(尿酸), 非常痛楚.
無藥物可以溶解尿酸結晶, 需要做手術刮除, 之後要嚴格控制飲食, 低蛋白, 多飲水, 嚴重者需服用藥物輔助. 如隻雀唔喜歡飲水, 可以多沖涼, 從沖涼過程執毛時飲多d水.
除腎臟問題, 另一主要原因, 就係營養不均, 長期食種子糧, 蛋白質過高, 飲水量少, 就會造成血液內尿酸高, 容易患上痛風.
痛風除會尿酸沉積關節, 另一種會尿酸包圍內臟, 患者內臟佈滿白點, 從外觀好難看出.