Louis

當長齊羽毛, 經常拍翼開始學飛之時, 就係預備戒奶時候, 可以籠內長期放兜大粒合成糧, 俾隻鸚鵡當玩具, 籠內唔好放其他玩具. 如果係用膠箱養BB, 就可以放支企棍落箱底, 俾隻雀學企.
鸚鵡感到無聊, 就會周圍探索, 咬呢樣咬果樣, 無得選擇下, 就會咬糧及反轉糧兜當玩具及遊戲, 咬咬下就知粒糧係食得, 而且可以早d適應粒糧既氣味及味道.
隻鸚鵡開始食乾糧後, 慢慢會自行戒奶, 食奶份量會越來越少, 擰開頭唔肯食. 正常情況下, 完全識飛行後一個月內, 就會戒奶, 懂得自行進食乾糧.