Louis

Prosept 雖與 Unisept 名稱, 顏色, 用途相似, 但兩者成份不同.
Unisept 稀釋後可以放入口, 牙醫亦用作為消毒漱口水, 就算吞少量落肚都唔會中毒, 所以適合用作動物傷口消毒劑.
Prosept 稀釋後仍含有毒性, 不能放入口, 因動物會舔傷口, 會吞下傷口上藥物及殘留物, 作為動物傷口消毒劑並不適合.
在獸醫診所, 常用於動物傷口消毒劑, 有 Unisept (Hibitane), 生理鹽水, 及優碘. 但優碘容易令接觸點(傷口,器具,檯面,雙手)染成黃色, 需要用好多水(生理鹽水)至可以沖洗去, 影響外觀, 所以主要做手術時至會用.

Unisept 消毒能力高, 入口無毒, 唔"那"傷口, 但對眼睛有刺激性.
生理鹽水消毒能力低, 入口無毒, 唔"那"傷口, 對眼睛無刺激性.
優碘消毒能力高, 入口無毒, 唔"那"傷口, 對眼睛無刺激性, 但會將傷口及接觸物染黃.

* 火酒消毒能力高, 入口有毒, "那"傷口, 對眼睛有害(可致盲), 使用後傷口難埋口, 獸醫診所只用作消毒器具及檯面.
* 滴露消毒能力高, 入口劇毒, 唔"那"傷口, 對眼睛有害, 獸醫診所只用作稀釋後拖地用途.