Louis

相中見到係結膜炎, 下眼簾結膜腫起.
我唔知你支眼藥水係乜名或成份, 如果係有類固醇, 就可以暫時迅速消腫, 但一停藥就好快會腫返. 由於支藥多數含抗生素, 為免病菌會產生抗藥性, 最少連用一星期, 每日最少滴兩次.
雀街買既眼藥水有兩種: 1.)抗生素, 2.)抗生素+類固醇
如果眼睛有傷口或眼角膜有擦傷或潰瘍, 就唔可以用類固醇眼藥水.

另外, 隻雀亦有可能作病, 因為好多種病都會伴隨結膜炎, 例如上呼吸道感染, 感冒, 鸚鵡熱等, 所以注意保暖, 留意隻雀精神, 胃口, 及大小便狀況.

Louis

這支就是含有類固醇+抗生素, 使用一星期後, 病情不論有無改善都應該停用, 因為類固醇只適合短期使用, 長期使用會對身體有害. 如果眼睛病情一星期後未有好轉, 應轉用不含類固醇既抗生素眼藥水.

眼皮下羽毛打結, 係因為淚水整濕眼皮下羽毛, 乾左之後就會硬化及打結, 等隻眼好返, 唔再流淚水及唔再需要滴眼藥水, 眼睛周圍羽毛就會慢慢回復原狀.

Louis

1. 便便多水=多小便, 係使用類固醇後現象, 停用類固醇眼藥水後應回復正常.
2. 從前眼中有小白點, 係眼角膜潰瘍, 痊癒後白點就會消失. 如有此"眼中白點"病徵, 切勿使用含類固醇眼藥水, 容易令病情惡化.
3. 療程完成後, 如眼睛仍未痊癒, 可轉用不含類固醇的眼藥水, 繼續治療. 留意大小便有否轉黃, 如果大小便呈現黃色, 代表肝臟受損, 應立即停藥.

Louis

如果已經轉用 Genoptic, 請問已用左幾多日?
新發現眼睛小白點, 可以影到相嗎?
另一個可能係上呼吸道感染, 疱疹, 或其他疾病, 導致眼睛發炎, 滴眼藥水只可暫時舒緩眼睛病徵, 不能根治病因, 需要同時服藥.

Louis

滴藥期間成日都訓覺, 係因為捉雀滴藥過程, 會令隻雀好驚好緊張, 所以會疲倦, 而且亦會嚇怕隻雀, 所以輕輕掂佢腳仔, 令佢又以為要俾人捉. 雀仔隻眼好細, 滴眼藥水時一滴就夠, 唔需要多.