返回列表 發帖
我用過呢部, 美國製, 製一次夠食個幾月, 由於唔成日用, 已經賣俾一個日日都會用, 比我養得更多既朋友.
抽乾原理:
機內有發熱線及風扇, 不停吹出低溫熱風去抽乾食物, 出風口細, 令大部份熱風在機內循環, 部份熱風與水蒸氣就由出風口噴出, 作用有如電飯煲蓋上小孔.

好處:
1. 有9層, 可同時製多款不同食物.
2. 可騰空層數, 製厚身食物. 因為好多水果含大量水份, 抽乾後變得好細片/粒, 所以需要切大舊d.
3. 如層網不幸損壞或折斷, 可自行買鋼網代替.
4. 有時間掣, 及溫度掣.

唔好處:
1. 都幾貴, 四千幾蚊部.
2. 層網膠製, 清洗時容易折斷.
3. 開機其間, 會從食物抽出大量水氣, 令室內濕度變得非常高, 宜放在通風位置.

TOP

好食, 但脫水後好甜. 儲存需用密封器皿, 及食物用乾燥劑, 又或者放入雪櫃. 因為就甘放片乾果於檯面, 空氣水份都會慢慢滲入令片乾果發漲, 因為有水份滲入, 三四日就會發霉.

市面鸚鵡生果糧, 大部份係加糖醃製後脫水, 又或者經油炸, 達成防霉作用. 多食無益.

製作瓜類乾果, 無需清除瓜囊及種子, 瓜囊含豐富營養, 種子隻鸚鵡都會當瓜子剝食.

TOP

食新鮮水果當然好, 但有d新鮮水果食完後隻怪獸周圍爬, 成個籠都係汁, 好難日日都洗籠, 食果乾就會比較方便, 乾手淨腳.

TOP

瓜類我會先刨皮, 然後切塊, 直接放入機.
番薯未整過, 因為唔會食到"黐立立", 所以多數係食新鮮, 不過可以幫你查下本跟機食譜.

TOP

返回列表