仲有就係餵奶, 就係要用人手, 用針筒或匙羹, 將奶直接餵入口, 唔係只斟奶入杯度, 等隻雀自己去食; 因為有好多bb未識得自己食, 淨係識得玩奶玩糧咬碎D糧, 並無將食物吞落肚, 就好似細路仔含住啖飯, 掛住玩.
雀bb雖然全新羽毛, 但未有足夠皮下脂肪及肌肉製造足夠體溫, 所以在野外, 幼鸚係幾隻一齊, 或與母鳥, 迫在細小鳥巢中保暖. 但當你帶隻雀返屋企, 單獨一隻放入鳥籠, 空間大左體溫就會慢慢流失, 就算蓋籠布都無用, 所以需要暖燈或暖爐, 維持籠內有至少28度, 減小幼鳥體能消耗.
我覺得, 寵物店遲早要做到好似獸醫診所一樣, 買賣年幼動物前, 顧客要簽張生死狀, 上面列明所有風險, 顧客細閱明白了解風險後簽名, 就好似做手術前一樣. |
發表於 2013-4-5 13:45
|