Louis

如果鸚鵡真係打交, 係啄咬對方面部, 尤其咀及眼, 然後勝方再追咬敗方頸部.

萬一發生打架, 可以舉起支棒狀物或大毛巾/外套, 嚇走雙方, 然後將雙方各自隔離, 安置於清靜陰暗環境觀察, 同時讓其冷靜心神, 除非見到有嚴重淌血傷口, 否則不要急於檢查身體, 先安撫冷靜為首要, 因為雀鳥心跳好快, 過度緊張可引發急性心臟病, 如有傷口更因心跳加劇而使出血增加.

Louis

回復  Louis

"因為雀鳥心跳好快, 過度緊張可引發急性心臟病"

我每天都讓我的雞尾在房間飛到客廳或由 ...
發達鳥 發表於 2013-6-19 01:28

長時間困於狹小籠中既寵物鸚鵡, 由於缺乏飛行運動, 加上室內缺乏氣流幫助浮起身軀, 所以稍作飛行(劇烈運動)就已經張口喘氣, 此乃正常現象.  
我地好少會見到彩鳳愛情鳥於籠內飛左飛右後喘氣, 又或者見街上麻雀仔白鴿喘氣, 因為佢地經常有足夠空間作飛行運動, 而且身輕容易靠氣流浮起, 飛行時體力消耗較低, 所以飛行後較少會喘氣.

一個普通成年人, 在放鬆情況下, 心跳平均每分鐘60~100下.
一隻小型至中型成年鸚鵡, 在放鬆情況下, 心跳平均每分鐘340~600下.
一隻大型成年鸚鵡, 在放鬆情況下, 心跳平均每分鐘200~470下.

由以上數字, 可見鸚鵡心跳非常之快, 係人類4~6倍, 如患有先天隱性心臟病, 又或者因肥胖而患有心血管疾病, 驚嚇過度令心跳太快, 心臟承受唔到就可能會引致猝死.

Louis

動物做運動, 訓練體能, 與人類一樣, 需按部就班.
應順其自然, 疲倦就休息, 肚餓口渴就食野飲水. 需知道動物唔識向你表達辛苦, 加上身體結構不同, 例如心跳比人類快, 體溫比人類高兼無排汗系統散熱, 所以切忌運動員式操練.
見到隻雀開口喘氣, 已經代表身體出現異常狀態, 需要冷靜休息, 及提供食物食清水.