Louis

凱克嘈唔嘈, 要視乎有冇俾其他雀教壞, 例如我隻凱克同珍達一齊長大, 叫聲有如兩隻太陽, 所以同你班LB一齊養, 多數會嘈.
凱克同愛情鳥體型有相差, 出於本能, 實會大蝦細, 所以唔可一個籠共養, 放出黎玩時都要睇實, 以免打交.
凱克學聲就叻, 講野唔掂, 咬字完全唔清, 只有主人聽得明.
如果係我, 要買就趁依家, 冬天唔適合買雀, 尤其係BB, 天冷容易病. 依家買隻半歲, 等到冬天都一歲, 俾隻雀由夏季慢慢適應至冬季仲好, 再唔係就等到出年春天至買.
凱克有過度活潑症, 個籠夠大, 有夠多玩具, 就自己可以玩餐飽, 唔會太依賴主人.