Louis

凡賽爾-呼必安, 藥用成份係抗生素: Doxycycline, 每包含藥粉260mg, 此藥不能與電解質及礦物質保充劑同用, 尤其是鈣質, 會減少藥效.

灰鸚鵡使用份量:

如果隻雀仲有食慾, 會自行飲水; 將一包藥粉, 溶落500ml蒸餾水, 然後斟入水杯內, 讓其自行飲用, 每日需更換至少一次.

如果隻雀已經失去食慾, 需要餵奶甚至插喉餵, 就需要將藥水灌入口中.
將一包藥粉, 溶落 20ml 蒸餾水, 即每 ml 含 13mg 藥. 按照灰鸚鵡體重計算服用劑量: 每 100g 體重需服 2.5mg 藥. 每日服兩次, 餐後服或與食物同服, 服 10 日. 如果係鸚鵡熱, 就需連服 45 日.

假設灰鸚鵡重 350g, 即 2.5mg x 3.5 = 8.75mg, 350g 體重需服用 8.75mg 藥.
藥水每 ml 含 13mg 藥, 服用 8.75mg 藥, 即係 8.75/13 =  0.67ml, 需要餵 0.7ml 藥水.

剩餘藥水需放入雪櫃, 及不能見光, 因此藥容易被光及溫度影響.

Louis

無得計算, 放落糧杯水杯餵藥法, 係繁殖場/農場用法, 因為面對大數量禽鳥時, 可節省人手及時間, 食多藥食少藥無法控制, 所以要趁病初起時, 隻雀仲會自行飲食, 才會使用此餵藥法.

如果能力許可, 當然係將藥計算後直接餵入口, 先至能確保服用適當劑量.

Louis

凡賽爾-呼必安(Doxycycline)已經是一隻很有效的廣譜抗生素, 可能之前用水杯餵藥之法, 未能服用足夠藥物份量, 或者你試下用計算體重直接餵藥入口之方法.

至於豪鴿2合1 成份與呼必安類同, 不過添加多兩種抗生素, 以增加殺滅病菌及微生物種類.
Doxycycline HCL  114 mg
Tylosine tartraat  57 mg
Spiramycine(Metronidazole)  140 mg

Louis

回復  Louis
非常感謝耐心解答，另外呼必安包裝寫的是淨含量4g，您說的260mg是另外一種包裝還是每4g里有效 ...
小叮鐺 發表於 2013-9-9 14:47

我所說的 260mg 是從網上看到的資料:


如果你手上藥物的包裝寫住 4g, 即係 4000mg, 係非常非常濃縮的劑量, 開一包已經夠成個場用.
一隻灰鸚鵡平均重 400g, 每次服用份量約為 10mg. 一包 4000mg 藥粉, 夠一隻灰鸚鵡食 400 劑.
我唔知道你之前點樣開稀隻藥, 而隻雀又食左幾多, 過量服用此藥會令肝臟中毒, 隻雀病情無改善係因為隻藥無效定係隻雀已經中毒, 我答你唔到.
好彩你上來問一問, 不如你將包裝上使用方法列出, 等我再重新計算使用份量.

Louis

網上資料說4g力含有有效抗生素300mg，不知真假。但包裝寫的是每包用4L水稀釋，或40羽服用1天，我家灰鸚今天 ...
小叮鐺 發表於 2013-9-9 23:58

你不如將包藥影相放上來, 如有說明書更好, 呢兩隻藥都係俾白鴿用, 灰鸚鵡與白鴿係兩個不同物種, 用藥份量唔同. 包裝上中文翻譯不可儘信, 應該以盒上英文說明或盒內英文說明書為準.