Louis

動物去到陌生環境,拒食拒飲躲藏,係自我保護本能.你應先安置雀籠去一個較高及安靜位置,用毛巾蓋一半籠,靜養一兩星期,讓牠習慣新環境.靜養期間只換糧換水,籠底紙隔兩三日至換一次,儘量唔好騷擾嚇怕隻雀.等到隻雀覺得安心,就會開始進食,如果開始鳴叫唱歌,就代表已經適應,可以轉換雀籠位置.
新買雀鳥,主人太過心急去玩去望,會令隻雀受驚,抵抗力下降,如果本身潛藏病菌病毒,就可引起病發,膽小者更可能未病發已被嚇死.

Louis

現階段先靜養, 你可放麵包或串串粟入籠內, 引隻雀自行進食.

雀街成鳥雞尾大部份非人手餵大, 所以好多都唔識食奶. 如果夾硬捉隻雀食奶, 更加會嚇怕隻雀.