Louis

塑膠碎片化學特性穩定, 誤吞後一般唔會因消化做成中毒問題, 正常會經消化道排出, 但有幾個潛在危險:
1. 塑膠碎片大小能否順利通過嗦囊及腸道.
2. 塑膠碎片是否尖銳或鋒利, 會否刺傷消化道.
3. 塑膠碎片是否長繩狀, 會否在消化道內做成纏繞.

而鸚鵡進食後, 消化再排出, 一般需要大約4~6小時, 如果事發已經超過一日, 隻雀仲係生生猛猛, 食得玩得, 應該就唔會有問題.

如果仲係擔心, 可以帶去獸醫診所, 餵食碘顯影劑, 留低隻雀, 獸醫會每半小時至一小時照一張X光, 觀察顯影劑通過整個消化道過程, 看看消化道內有否異物或障礙物.