Louis

五個月大, 可能仲未戒奶. 請問你有餵隻雀食奶嗎? 如果大叫時, 個頭有鬆起羽毛扮BB, 應該係肚餓索食行為.
我都有幫人湊大過大形金剛, 一般餵飽奶之後就會自己玩, 玩糧, 咬碎晒d糧, 學食糧, 周圍爬來爬去.
體型越大既動物就越遲成熟, 大形金剛鸚鵡一般要六至九個月大才會正式自行戒奶, 自行戒奶係指餵奶時, 隻雀只肯食幾啖, 個頭就擰埋一邊唔肯再食, 要玩, 同時觀察到籠底碎糧越來越少, 即代表隻雀真係識得自己食乾糧, 可以戒奶.  
建議你隔日或者至少每星期一次幫隻雀磅重, 題重能夠反映健康狀況. 成年藍黃金剛平均體重約為1000g +- 20%.