Louis

由於你家有小朋友，情況較為麻煩，因為小朋友叫聲以及快速既動作好容易嚇怕鸚鵡。建議你依家從頭來過，乜都唔好做，唔好心急上手，由得隻雀慢慢習慣新環境，習慣小朋友叫聲及動作，平日只係換糧換水換報紙。間中隔住籠餵零食，直至佢肯隔住籠自行過來問你要零食，肯俾你摸最仔同埋R頭。
下一步就係屋企環境清靜時，關好門窗，打開籠門，等隻雀自行出籠去探索屋企環境。在籠外期間，你自己動作都要慢同靜，你可以用零食引佢，建立信任，令佢先唔怕你隻手，再慢慢訓練佢企上你手。
當雀仔晌地下時，好冇安全感，想企去高既地方，此時你伸手去佢腳前，就好容易自動企上手。然後你放返佢落地，再重複企上手動作，好快就教識。